Զենք-զինամթերք՝ կամավոր

Ոստիկանության լրատվական ծառայության տեղեկացմամբ՝ քաղաքացիները կամավոր հանձնել են զենք-զինամթերք:

Այսպես.

Ոստիկանության Գավառի բաժնի ծառայողների բացատրական աշխատանքների շնորհիվ, նոյեմբերի 29-ին՝ ժամը 12:00-ին, 1973թ. ծնված Ավետիս Գ.-ն կամավոր հանձնել է «ԲՈւՄ» տիպի, 16 մմ տրամաչափի, երկփողանի, ողորկափող որսորդական հրացանը և հայտնել, որ այն պատկանել է հանգուցյալ հորը։
Կատարվում է հետաքննություն:

Նոյեմբերի 29-ին, ժամը 14.55-ին, ոստիկանության Էրեբունու բաժին հաղորդում է ստացվել, որ իրենց են զանգահարել 1956թ. ծնված Գագիկ Ա.-ն և հայտնել, որ Երևանի Արին-Բերդի փողոցի ջրանցքում պարկով զենք կա, իսկ ժամը 16.45-ին անհայտ քաղաքացուց ահազանգ է ստացվել, որ ջրանցքի վերջնամասում աղբամանի վրա սպիտակ պարկ է թողել, որի մեջ ռումբ կա:
Մեկնած օպերատիվ խումբը նշված վայրում հայտնաբերել է պոլիէթիլենային պարկ, որի մեջ առկա էր տարբեր տեսակի ձեռքի 10 նռնակ, նռնակի 9 պայթուցիչ, հակատանկային 12 նռնակ` պայթուցիչով և 7 հատ ճայթիչ հրապատիճ:
Նշանակվել է դատաձգաբանական փորձաքննություն:
Կատարվում է հետաքննություն:

Նոյեմբերի 29-ին՝ ժամը 16:05-ին, 1959 թ. ծնված Նոյեմի Հ.-ից ոստիկանության Մարաշի բաժանմունք ահազանգ է ստացվել, որ իրենց տան հետևի մուտքի մոտ կանաչ գույնի ական է դրված:
Մեկնած օպերատիվ խումբը սակրավորների խմբով նշված վայրում հայտնաբերել են «Ջ-1» տեսակի նռնակ, որը տեղում վնասազերծվել է:
Կատարվում է հետաքննություն:

Նոյեմբերի 30-ի՝ ժամը 11:00-ին, անհայտ քաղաքացուց ոստիկանության Արաբկիրի բաժին ահազանգ է ստացվել, որ իր մոտ եղած զենք-զինամթերքը թողնում է Երևանի Ազատության պողոտայի հյուրանոցներց մեկի դիմացի մայթին:
Մեկնած օպերատիվ խումբը պոլիէթիլենային տոպրակի մեջ հայտնաբերել է մեկական «Perfekta Mod. FBI 8000» տիպի 8 մմ տրամաչափի և «CROSMAN 177 Cal. Pallet Gun 357» տիպի անհայտ գործարանային համարի ատրճանակներ, ինքնաձիգի 3 դատարկ պահունակ, 5.45 մմ տրամաչափի՝ 77 և 7.62 մմ տրամաչափի 162 փամփուշտ:
Հայտնաբերվածն ուղարկվել է ՀՀ ոստիկանության փորձաքրեագիտական վարչություն։
Կատարվում է հետաքննություն: