Զինվորի սպանության գործով գնդապետ հայրը չի՞ միջամտել

Երեւանի Վազգեն Սարգսյանի անվան ռազմական ինստիտուտում 19-ամյա կուրսանտ Հայկազ Բարսեղյանի սպանության գործով ակտիվ քննություն է իրականացվում, նշանակված մի շարք փորձաքննությունների արդյունքներն արդեն հայտնի են:Այս մասին Fnews.am-ի հետ զրույցում, անդարադառնալով դաժանաբար սպանված կուրսանտի սպանությանն ասաց գործով չորս կասկածյալներից` գնդապետի որդու Գնել Թեւոսյանի փաստաբան Արա Զաքարյանը:
-Իմ պաշտպանյալը ի սկզբանե շարունակում է պնդել, որ նա իսկապես կապ չունի երիտասարդի հետ կատարվածի հետ, եւ ես վստահ եմ, որ նախաքնությամբ էլ կապացուցվի վերը ասվածը:
-Պարոն Զաքարյան սպանված կուրսանտի հայրը շարունակում է պնդել, որ Ձեր պաշտպանյալի գնդապետ հայրը ի սկզբանե տեղյակ է եղել կատարվածից, սակայն ամեն բան արել է, որ բոլորը հավատան, որ երտասարդը ինքնասպան է եղել, ի՞նչ կասեք այդ առնչությամբ:
- Ես որպես մարդ հասկանում եմ տուժողին եւ այս պարագայում, բնականաբար, նա պետք է նման պատճառաբանություններ բերեր: Իսկ այն հանգամանքը, որ իր որդին չի կարող ինքնասպան լինել, ասեմ հետեւյալը` անձը նման հանգամանքի մասին պարզապես իր ենթադրություն է հայտնում, ոչ թե գործով հաստատված փաստը:

Հիշեցնենք, որ հունվարի 29-ին՝ ժամը 06:35-ի սահմանում Երեւանում տեղակայված ուսումնական զորամասերից մեկի մարզահրապարակում հայտնաբերվել էր նույն զորամասի 1-ին կուրսի ուսանող Հայկազ Արկադիի Բարսեղյանի դին՝ պտտաձողի վրա պարանով կախված վիճակում: Հարազատները լրատվամիջոցներով պատմել էին, որ նրան նախ ծեծել են, ապա կախել։ Հիշեցնենք, որ ՊՆ Սեյրան Օհանյանի խոսքով՝ Հայկազի սպանությանը նախորդել է վեճը ծառայակիցների հետ, սպանության համար մեղադրվողները եղել են ալկոհոլի ազդեցության տակ։ Հարազատները կարծում են, որ նման հաշվեհարդարի պատճառն այն է եղել, որ Հայկազը չի ենթարկվել ինտիտուտում 4 ծառայակիցների ստեղծած վախի մթնոլորտին: Դեպքի առթիվ ՀՀ քննչական կոմիտեի զինվորական քննչական գլխավոր վարչությունում հարուցվել է քրեական գործ՝ ՀՀ քրեական օրենսգրքի 104-րդ հոդվածի 2-րդ մասի 7-րդ կետով: Մեղադրանք է առաջադրվել Հայկազ Բարսեղյանի համածառայակիցներ Վաչե Սահակյանին, Մովսես Ազարյանին, Գնել Թեւոսյանին եւ Նորիկ Սահակյանին, նրանք կալանավորված են:

Տաթեւիկ Աբրահամյան