Զինվորին հայտնաբերել են զինծառայողի տան տարածքում

Տավուշի մարզի Դիլիջան քաղաքի զորամասերից մեկից անհետցած ժամկետային զինծառայող՝ Ազիզ Բաքոյանին հայտնաբերել են զինծառայողի տան տարածքում։ «Ես երեկ էլ էի ասել, որ նա ինքնակամ է լքել տարածքը, այսօր էլ այդ ամենն հաստատվեց: Նա անձամբ է հրամանատաին այդ մասին ասել, որ իր ցանկությամբ է լքել տարածքը, որևէ մեկը իրեն զորմասում չի նեղացրել։ Հրամանատարի հետ կարճ զրույց է ունեցել. զինվորն ասել է, որ գործ է ունեցել, այդ պատճառով էլ լքել է զորմասը։ Թե ինչ գործ է ունեցել ու ինչ է արել այդ երեք օրվա ընթացքում դեռ պարզ չէ։ Զինվորական ոստիկանությունում հարցաքննության են ենթարկել, սակայն  տեղեկություն չունեմ թե ինչ այլ մանրամասներ է նա ներկայցրել»,-Fnews.am-ի հետ ասաց ՀՀ պաշտպանության նախարարի  մամլո խոսնակ Արծրուն Հովհաննիսյանը։

Մեր այն ճշտող հարցին,  արդյո՞ք զինվորը առողջական խնդիրներ ունի, Հովհաննիսյանն ասաց. «Առողջությունից որևէ բանից չի դժգոհում, ասում է անձնական գործեր է ունեցել, որոնք հետաձգել չէր կարող»,-ասաց Հովհաննիսյանը։
Ավելի վաղ տեղեկացրել էինք, որ Տավուշի մարզի Դիլիջան քաղաքի զորամասերից մեկից անհետացել է ժամկետային զինծառայող 19-ամյա Ազիզ Բաքոյանը, նրան երեք օր փնտրում էին։