2 պատգամավորների երաշխավորությամբ կրակոցներ արձակած քաղաքապետի խորհրդականի տղան ազատ է արձակվել.video

shamshyan.com-ը գրում է. Շաբաթ՝ հունիսի 14-ին, ոստիկանության քննչական գլխավոր վարչության Երևանի քննչական վարչության Քանաքեռ-Զեյթունի քննչական բաժնի քննիչի կողմից ազատ է արձակվել Երևանի քաղաքապետի խորհրդական, Քանաքեռ-Զեյթուն վարչական շրջանի նախկին թաղապետ, վերջինիս պատկանող «Սամարկ» տպարանի տնօրեն, Երևանի Պարույր Սևակի փողոցի 13/3 տան բնակիչ, 24-ամյա Սամվել Քոթանջյանին: Ինչպես հայտնում է ֆոտոլրագրող Գագիկ Շամշյանը, վերջինս կասկածվում է հունիսի 7-ին իր մոտ եղած ապօրինի, առանց, գործարանային համարի «Մակարով» տեսակի ատրճանակից կրակոցներ արձակելու մեջ: Ֆոտոլրագրողի տեղեկություններով ՝ քննչական մարմինը, երբ պատրաստվելիս է եղել՝ դիմելու Արաբկիր-Քանաքեռ-Զեյթուն վարչական շրջանների դատարան, անգամ քննիչը դատարանում սպասելիս է եղել, որպեսզի այնտեղ բերեն Ս. Քոթանջյանին, դատարանից նրան անակնկալ կերպով հայտնելեն, որ դռնփակ դատական նիստ տեղի չի ունենալու: Ֆոտոլրագրողի տեղեկություննորվ՝ Ազգային ժողովի պատգամավորներ Ռոբերտ Սարգսյանն ու Գագիկ Մելիքյանը երաշխավորագիր են ներկայացրել քննիչին, ինչից հետո Ս. Քոթանջյանը մինչև նախաքննության փուլի ավարտը ազատ է արձակվել:

Ստորագրությամբ ազատ են արձակվել նաև կռվի մյուս մասնակիցները: Ի դեպ, ԱԺ պատգամավոր Ռոբերտ Սարգսյանը Երևանի քաղաքապետ Տարոն Մարգարյանի կնոջ եղբայրն է: Ինչպես ավելի վաղ հայտնել էր ֆոտոլրագրողը, հունիսի 10-ին ոստիկանության Քանաքեռ-Զեյթունի բաժնի աշխատակիցները, ոստիկանության Երևան քաղաքի վարչության քրեական հետախուզության բաժնի հետ իրացնելով ստացված օպերատիվ տեղեկությունները, ձեռնարկված քննչական բացատրական աշխատանքների շնորհիվ հայտնաբերել էին Երևան քաղաքի Պարույր Սևակի փողոցի 13/3 տան բնակիչ, 24-ամյա Սամվել Քոթանջյանին: Վերջինս երեկ՝ կեսգիշերին, ոստիկանների բացատրական գործողությունների արդյունքում ներկայացել էր Քանաքեռ-Զեյթունի ոստիկանություն:

Ս. Քոթանջյանը ոստիկաններին էր ներկայացրել նաև իր մոտ եղած գործարանային, առանց համարի, 9մմ տրամաչափի «Մակարով» տեսակի ատրճանակը և խոստովանել, որ հունիսի 7-ին Կարապետ Ուլնեցի փողոցում կրակոցներն արձակել է ինքը: Ֆոտոլրագրողի տեղեկություններով՝ հանցագործությունն ամբողջական բացահայտելու հսկողությունն իր վրա էր վերցրել Երևան քաղաքի ոստիկանության պետ, ոստիկանության գնդապետ Աշոտ Կարապետյանը: 

Մանրամասները` սկզբնաղբյուրում: