Մայորը հայհոյել, ծեծել է զինվորներին, «կտտացրել» նրանց գլխին, գլխով խփել է զինվորի քթին, ու զենքը պահել է նրանց վրա

1in.am-ը գրում էՎերաքննիչ քրեական դատարանի վարույթում է Թոռնիկ Սադոյանի և մյուսների գործով բերված վերաքննիչ բողոքների քննությունը:

Գործը քննվել է Սյունիքի մարզի ընդհանուր իրավասության դատարանում Լեռնիկ Աթանյանի նախագահությամբ:

31-ամյա Թոռնիկ Սադոյանը բարձրագույն զինվորական կրթություն ունի: Զբաղեցրել է զորամասի պարենային ծառայության պետի պաշտոնը, կոչումով՝ մայոր:

Նա մեղավոր է ճանաչվել մի շարք հոդվածներով՝ իր ենթակայության տակ գտնվող զինվորների նկատմամբ բռնություններ գործադրելու համար:

Սադոյանի հետ ամբաստանյալի աթոռին են նաև 27-ամյա Արմեն Այդինյանը՝ զորամասի վառելիքաքսուքային նյութերի ծառայության պետ, կոչումով՝ կապիտան, 26-ամյա Նարեկ Նալբանդյանը՝ վաշտի հրամանատար, կոչումով՝ ավագ լեյտենանտ, 26-ամյա Արկադի Սարգսյանը՝ դասակի հրամանատար, կոչումով՝ ավագ լեյտենանտ, 24-ամյա Վահան Պալյանը՝ դասակի հրամանատար, կոչումով՝ ավագ լեյտենանտ, 21-ամյա Երեմ Դավթյանը՝ նախկին ժամկետային զինծառայող և 20-ամյա Սուրեն Պետրոսյանը՝ ժամկետային զինծառայող:

Թոռնիկ Սադոյանի կամայականության ու բռնությունների դեմ ընդվզել ու նրա, ապա նրան պաշտպանած Այդինյանի նկատմամբ իրենց հերթին բռնություն են գործադրել մնացած հինգ ամբաստանյալները:

Ըստ մեղադրանքի՝ մայոր Սադոյանը 2013 թվականի հուլիսի 13-ին , ժամը 18-ի սահմաններում զորամասի շտաբի դիմաց ցուցակով ստուգել է կարճատև արձակուրդ գնալու և հարազատներին տեսակցելու համար մշտական տեղակայման վայր ժամանած անձնակազմի թվաքանակը:

Ստուգման ընթացքում պետ հանդիսացող մայորը հայհոյանքներ է հնչեցրել զինվորների հասցեին:

մանրամասները` սկզբնաղբյուրում: