Զինծառայող Էդգարն ու ընկերներն անչափահաս Գեղեցիկին մոր գրկից «փախցնելուց» քաշքշելով կոտրել են նրա քիթը

1-in.am-ը գրում է.Վերաքննիչ քրեական դատարանի վարույթում է Էդգար Մ.-ի ու նրա երեք բարեկամների գործի դատական քննությունը:

Գործը քննվել է Գեղարքունիքի մարզի ընդհանուր իրավասության դատարանում Վահագն Մելիքյանի նախագահությամբ:

Գեղարքունիքի մարզի 28-ամյա բնակիչ, զինծառայող, կոչումով շարքային Էդգարը, ըստ դատական ակտի, հորեղբոր հարսի՝ Մաշայի (անունը փոխված է) ծննդյան օրվա խնջույքի ժամանակ տեսել է նրա քեռու աղջկան՝ նույն մարզի անչափահաս՝ 1996 թվականի նոյեմբերի 22-ին ծնված Գեղեցիկին (անունը փոխված է) ու համակրել է առաջին իսկ հայացքից:

2014 թվականի հունվարից սկսած՝ Էդգարը բացահայտ սիրահետել է Գեղեցիկին, ցանկացել է ամուսնանալ նրա հետ, բայց աղջիկը նրան մշտապես մերժել է:

Էդգարն իր հասցեին գովեստի խոսքեր է փոխանցել Գեղեցիկին՝ վերջինիս հարազատների միջոցով, բայց՝ անօգուտ, աղջիկը չի գայթակղվել: Նա կտրականապես դեմ է եղել Էդգարի հետ ամուսնանալուն:

Էդգարը «զենքերը վայր չի դրել»: Նա մի քանի բարեկամների հետ համաձայնության է եկել Գեղեցիկին ամուսնության նպատակով առևանգելու, այլ վայր տեղափոխելու շուրջ:

Այդ բարեկամների մեջ երկու կանայք են եղել՝ Էդգարի հորեղբոր կին Սառան (անունը փոխված է) և վերջինիս հարսը՝ Մաշան՝ Գեղեցիկի հորաքրոջ աղջիկը:

Առևանգման խմբի չորրորդ անդամն է դարձել Էդգարի հորեղբոր փեսա Ա. Մ.-ն:

2014 թվականի փետրվարի 14-ին, ժամը 15-ի սահմաններում Էդգարի հորեղբոր հարս Մաշան, օգտվելով իր ու Գեղեցիկի բարեկամական կապից, հագուստ գնելու համար խանութ գնալու պատրվակով զանգել է Գեղեցիկին ու դուրս է կանչել:

Հեռախոսազրույցի ժամանակ Գեղեցիկը իր բարեկամուհուն մտավախություն է հայտնել, թե Էդգարը կարող է առևանգել իրեն:

Մաշան հավաստիացրել է, թե այդպիսի բան չկա, Էդգարն էլ մարտական հերթապահության է մեկնել:

Հավատալով Մաշային՝ Գեղեցիկը դուրս է եկել տնից, նստել Ա. Մ.-ի մեքենայի հետևի նստատեղին՝ Մաշայի ու Սառայի մեջտեղում: Մաշան Գեղեցիկին է փոխանցել իր մանկահասակ երեխային՝ նրան լիովին զրկելով ազատ տեղաշարժվելու հնարավորությունից:

Երբ Գեղեցիկը մեքենա է նստել, Ա. Մ.-ն մեքենան վարել է ոչ թե հագուստի խանութի, այլ ուրիշ ուղղությամբ: Գեղեցիկը հայելու միջով նայել է վարորդի դեմքին, նկատել նրա ծիծաղը: Գեղեցիկը հարցրել է ծիծաղի պատճառը, և Ա. Մ.-ն պատասխանել է. «Հեսա դու էլ կիմանաս»:

Մանրամասները` սկզբնաղբյուրում: