Վարդան Պետրոսյան. «Այդ երեխաներն արդեն իմն են` հեգևոր իմաստով, նրանք անընդհատ իմ մեջ են լինելու, ես նրանցից չեմ փախչելու»

Փաստինֆոն գրում է. «Խորը կսկիծով ցավակցում եմ եղածի համար»,- այսօր դատարանում հայտարարեց վարդան Պետրոսյանը` անդրադառնալով իր վերջին խոսքը սկսելուց առաջ տուժող կողմի նկատմամբ կիրառված դատական սանկցիային` դատարանի դահլիճից հեռացնելու և ափսոսանք հայտնելով այն բանի համար, որ հնարավորություն չունի դիմելու տուժողներին:

«Հասկանալով դա` ես փորձել եմ հանգիստ նայել այն վիրավորանքներին, որ նրանք ասել են իմ հասցեին, միգուցե այդքան շատ չեն եղել: Ոչինչ: Եղել են, ես դա հասկացել եմ, նույնը և այսօր,- ասաց նա և հավելեց,- անդառնալի է երկու երեխաների կորուստը: Ոչ ոք նրանց չի վերադարձնի»:

Վարդան Պետրոսյանի խոսքն ընդհատվեց մի քանի րոպեով, որից հետո դատարանը որոշեց թույլ տալ տուժողի իրավահաջորդին ներկա գտնվել դատական նիստի հետագա ընթացքին:

Կրկնելով իր ցավակցությունն արդեն դահլիճ վերադարձած տուժողներին՝ Վարդան Պետրոսյանն անդրադաձավ տուժողների հետ հաշտության փորձերին, որոնց վերաբերյալ, հիշեցնենք, դատական նախորդ նիստում որոշակի հայտարարություններ արվեցին, բայց, ինչպես նշեց դերասանը, մնացին կիսատ ասված բաներ:

Վարդան Պետրոսյանը նշեց, որ եթե Հակոբյան ընտանիքը չի ուզում հաշտվել, ինչու՞ հենց սկզբից հարցն այդպես չդրվեց, ինչու՞ էին Հակոբյանները պարբերաբար հայտարարում, որ Վարդան Պետրոսյանի հարազատները չեն գնացել իրենց ցավակցելու, ներողություն խնդրելու ու հաշտության փորձեր անելու:

մանրամասները` սկզբնաղբյուրում