«Եթե մեկ շաբաթվա ընթացքում չբացահայտվի Ավետիսյանների սպանության դրդապատճառը, ապա գործն այլեւս չի բացահայտվելու»

Galatv.am-ը գրում է.Գյումրիում կատարված ողբերգական սպանությունից հետո, առաջին օրերին տեսակետներ հնչեցին, թե այս աղմկոտ սպանության գործում ամենաարտառոցն այն է, որ 102-րդ ռազմաբազայի զինծառայողը հանցագործությունը կատարելուց հետո դեպքի վայրում թողել է իր զինվորական հագուստը, անվանական պայուսակը, կոշիկներն ու ինքնաձիգը. շատ կարեւոր ապացույցներ, որոնք կարող էին իրավապահներին հնարավորություն տալ արագ բացահայտել հանցագործին:

Փաստաբանների պալատի անդամ, փաստաբան Նիկոլայ Բաղդասարյանն ասում է՝ դա կարող էր նշանակել երկու բան. «Կամ մարդը դա գիտակցաբար է արել, կամ դա արել է, որպեսզի ցույց տա, որ հանցագործությունը կատարվել է իր կողմից: Սա պարզելու համար անհրաժեշտ էր կատարել դատահոգեբուժական փորձաքննություն, ինչը մինչեւ հիմա չի կարող կատարվել, քանի որ Պերմյակովին զինվորական բազայի տարածքից դուրս չեն կարող հանել, եւ մյուսը, որ հայկական կողմից պետք է կատարվեին օպերատիվ-հետախուզական գործողություններ. դա նույնպես չեն կարող կատարել, որքան հասկացա, քանի որ մեր օպերատիվ-հետախուզական բաժնի աշխատակիցները մուտք չեն կարող գործել բազա, որ այդ աշխատանքն իրականացվի»,- նշեց փաստաբանը:

Մանրամասները` սկզբնաղբյուրում: