Ոստիկանները հետապնդելով՝ բռնել են Երևանում օրերս աղմկահարույց կրակոցների գործով կասկածյալին. նա դիմել էր փախուստի՝ ճանապարհին կոտրելով մի քանի ավտոմեքենա. ՏԵՍԱՆՅՈՒԹ

Այսօր՝ մարտի 8-ին, ոստիկանության Քանաքեռ-Զեյթունի բաժնի աշխատակիցները, իրացնելով օպերատիվ տվյալները՝ ոստիկանության Երևան քաղաքի վարչության ծառայողների հետ Նաիրի Զարյան փողոցի թիվ 21 շենքի մոտից ոստիկանության Քանաքեռ-Զեյթունի բաժին են բերման ենթարկել Երևան քաղաքի Քանաքեռ 15 փողոցի 14 տան բնակիչ, 36-ամյա Բագրատ Թումանյանին: Ինչպես հայտնում է ֆոտոլրագորղ Գագիկ Շամշյանը, վերջինս նախկինում եղել է դատապարտված՝ ՀՀ քր. օր.-ի 113 հոդվածի հատկանիշներով, իսկ նրա նկատմամբ Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը որպես խափանման միջոց էր ընտրել կալանավորումը, քանի որ նրա նկատմամբ հայտարարվել էր հետախուզում, ով մեղադրվում է ՀՀ քր. օր.-ի 34-104 և 258.235 հոդվածների հատկանիշներով: Գ. Շամշյանը հայտնում է, որ Բ. Թումանյանը կասկածվում է կենցաղային հարցերի շուրջ փետրվարի 6-ին Քանաքեռ 15 փողոցի Հայբիզնեսբանկի հարևանությամբ 2 հոգու հրազենային վնասվածքներ պատճառելու մեջ: Ֆոտոլրագրողը հայտնում է նաև, որ գիշերը Քանաքեռի ոստիկանները օպերատիվ տվյալներ են ստացել, որ նա Volkswagen մակնիշի ավտոմեքենայով գտնվում է Նոր Նորք վարչական շրջանի Գայի պողոտայի և Մոլդովական փողոցների խաչմերուկում և, գնալով այնտեղ՝ ոստիկանները համոզվել են, որ ստացված օպերատիվ տեղեկությունը ճիշտ է և որպեսզի խուճապ չառաջանա և կասկածյալը չդիմի փախուստի՝ կարմիր լույսի տակ փորձել են նրան վնասազերծել, սակայն հավանաբար, «նրա դաբրոյով», Volkswagen-ի վարորդը կարմիր լույսի տակով դիմել է փախուստի՝ վնասելով մի քանի ավտոմեքենաներ, սակայն ինչպես ժողովուրդն է ասում՝ «գողի ու ..օրը 40 օր» է. Նաիրի Զարյան փողոցում նա բռնվում է ոստիկանների կողմից և տեղափոխվում Նուբարաշենի բանտ: Ինչպես ավելի վաղ տեղեկացրել էինք, Ոստիկանության Քանաքեռ-Զեյթունի բաժնի աշխատակիցները, ոստիկանության Երևան քաղաքի վարչության և Հայաստանի քննչական կոմիտեի Երևանի քննչական վարչության Քանաքեռ-Զեյթունի քննչական բաժնի ծառայողների հետ, իրացնելով օպերատիվ տվյալները, համատեղ գործողություններով պարզել էին փետրվարի 6-ին Երևանում 2 հոգու հրազենային վնասվածք պատճառած անձի ինքնությունը:

Մանրամասները` shamshyan.com-ում: