«Պատերազմ» տան համար․ Տիգրանը «Տարզանի» պես գոռալով դաժան ծեծի է ենթարկել հորեղբոր դստերն ու նրա տատին

Վերաքննիչ քրեական դատարանի վարույթում է Տիգրան Ղ.-ի գործով բերված վերաքննիչ բողոքի քննությունը:

Գործը քննվել է Կենտրոն և Նորք-Մարաշ վարչական շրջանների ընդհանուր իրավասության դատարանում Արմեն Բեկթաշյանի նախագահությամբ:

24-ամյա Տիգրանը նոր է ավարտել համալսարանը: Նա մեղավոր է ճանաչվել ՀՀ քրեական օրենսգրքի 118 հոդվածով՝ իրենց տան բակում հորեղբոր աղջկան ու վերջինիս մայրական տատիկին ծեծելու համար:

Նշված հոդվածը մասնավոր բողոքի գործ է, տուժողները ամբաստանյալին օտար մարդիկ չեն, բայց նրանք ամբաստանյալի հետ չեն հաշտվել, պնդել են, որ նա քրեական պատասխանատվության ենթարկվի:

Այս առճակատման պատճառը տան հետ կապված՝ տարիներով ձգվող քաղաքացիական գործն է:

Ժամանակին գերդաստանները մեծ տներ են կառուցել, ներկայումս նրանց պառակտված ժառանգները կռիվ են տալիս սեփականության իրավունքների համար…

Դատարանում ամբաստանյալ Տիգրանն իրեն մեղավոր չի ճանաչել: Նա հայտնել է, թե դեպքի օրը՝ 2014 թվականի հուլիսի 13-ին, ժամը 15-ն անց 30-ի սահմաններում ինքն իրենց տան բակում նստած սուրճ էր խմում: Նկատել է, որ ցեխաջուր է լցվում իրենց տան մոտ, որտեղ իրենց բրդերն էին փռած: Մտածել է՝ իր տատիկն է: Ձայն է տվել տատիկին: Երբ պարզել է, որ ցեխաջուր լցնողը նա չէ, բարձրացել է վերև:

Հորեղբոր աղջիկը՝ Լուսինեն, հինգ մետրի վրա իրեն տեսնելով՝ գոռացել է՝ չխփես, չխփես: Այդ ձայներից իր տատիկը դուրս է եկել տնից: Սկսվել է լեզվակռիվ:

Ինքը ավելը վերցրել ու շպրտել է: Ինքը չորս տարի պրոֆեսիոնալ բոքսով է պարապել: Եթե հորեղբոր աղջկան ու նրա տատիկին այդքան խփած լիներ, ինչքան գրված է մեղադրականում, ապա թեթև վնասվածքի փոխարեն ծանր վնասվածք կպատճառեր:

Սա առաջին դեպքը չէ՝ ըստ ամբաստանյալի, որ իրենց ու հորեղբոր ընտանիքի միջև առճակատում է լինում:

Ավելը դեպքի պահին եղել է հորեղբոր աղջկա ձեռքին, նրա տատիկը նստած է եղել: Ինքը ավելը վերցրել ու շպրտել է: Ինքը չի կարող ասել՝ տուժողներին ով է վնասվածքներ պատճառել, չի տեսել, որ նրանք իրենք իրենց հարվածած լինեն:

Տուժող Լուսինեն հայտնել է, թե Տիգրանն իր հորեղբոր որդին է: Մինչև այս դեպքն էլ վեճ է եղել, ինքը երկու շաբաթով բացակայել է տանից:

մանրամասները`1-in.am-ում: