Կոմայգու «զգեստափոխված» տղաների գիշերային կյանքի մի դրվագ․ Դեպքը կատարվել է այգում, գիշերվա ժամը 4-5-ի սահմաններում

Կենտրոն և Նորք-Մարաշ վարչական շրջանների ընդհանուր իրավասության դատարանում Մնացական Մարտիրոսյանի նախագահությամբ ընթանում է Արթուր Ա.-ի գործի դատական քննությունը:

23-ամյա Արթուրը մեղադրվում է տուժող Տիգրան Պ.-ի որովայնի շրջանին կտրող-ծակող գործիքով հարվածելու, նրա առողջությանը ծանր վնաս հասցնելու համար՝ ՀՀ քրեական օրենսգրքի 112 հոդվածի 1-ին մասով:

Դեպքը կատարվել է Կոմայգում, գիշերվա ժամը 4-5-ի սահմաններում:

Արթուր Ա.-ն իրեն մեղավոր չի ճանաչում, նա պնդում է, որ տուժողին ինքը չի դանակահարել, ծանր վնաս չի պատճառել:

Դատարանում տուժողը «չի ճանաչել» ամբաստանյալ Արթուրին՝ որպես իրեն ծանր մարմնական վնասվածք պատճառողի: Նկարագրել է, որ իրեն հարվածողը ավելի կարճահասակ է եղել՝ իր հիշելով:

Նախաքննական ցուցմունքում տուժողն ասել է, թե իրեն առաջին օգնությունը Կոմայգում ցույց է տվել մի աղջիկ: Բայց ավելի ուշ ինքն իմացել է, որ դա աղջկա շորերով տղա է եղել…

Կոնկրետ Արթուրի անունը տվել, նրա դեմ ցուցմունքներ են տվել դեպքի պահին դեպքի վայրում եղած վկաներ, ովքեր առերես հարցաքննությամբ պնդել են իրենց ցուցմունքները: Նրանք ծանոթ են եղել Արթուրին, հայտնել են, թե վիճաբանություն է եղել Կոմայգում: Արթուր Ա.-ն եղել է ագրեսիվ, նա հարվածել է տուժողի որովայնին…

Ընդ որում՝ այս վկաներից մեկը նախաքննության ժամանակ Արթուր Ա.-ի շահերի պաշտպանին ասել է, թե ինքը Կոմայգում է աշխատում: Պաշտպանը, անմիջապես չկողմնորոշվելով, հարցրել է. «Ի՞նչ եք աշխատում, հաստիքո՞վ աշխատող եք»: Այս հարցերը հնչեցնելուց հետո է պաշտպանը հասկացել, որ վկան՝ Ք.-ն, Կոմայգու գիշերային այն «աշխատողներից է», ովքեր «աշխատավայր» են ներկայանում զգեստափոխված…

Հիշյալ վկաներն այդպես էլ դատարան չներկայացան, բերման ենթարկելու որոշումները չկատարվեցին, դատարանում հրապարակվեցին նրանց նախաքննական ցուցմունքները:

Այդ հրապարակման ընթացքում Արթուրը անսպասելիորեն հայտարարեց, թե չի կարող նստել դատական նիստի դահլիճում, նյարդայնանում է: Պարզվեց, որ Արթուրին նյարդայնացնում էր ոչ թե դատական նիստի ընթացքը, ոչ թե հրապարակվող ցուցմունքը, այլ… իր մայրիկի ներկայությունը:

Արթուրի մայրը հեռացավ դատարանի դահլիճից՝ ասելով՝ «Սրանց պիտի հեռացնեք, ոչ թե ինձ»՝ նկատի ունենալով դահլիճում ներկա աչքաբաց աղջիկներին, ովքեր աչքունքով հաղորդակցվում էին ամբաստանյալի հետ, զայրացնում նրա մայրիկին ու մոր՝ որդուն սաստելու ժեստային փորձերն էին հունից հանել ամբաստանյալ Արթուրին: Ըստ մայրիկի՝ որդու գիշերային «արկածների» ու անընդմեջ դատվելու պատճառը վատ շրջապատն էր երևի, որից ինքը որդուն հեռու պահել չէր կարողացել:

մանրամասները`1-in.am-ում: