Գաղութի աշխատակիցները դատապարտյալին պատժից ազատելու համար փող են պահանջել, չտալու դեպքում՝ սպառնացել

1in.am-ը գրում է. Վերաքննիչ քրեական դատարանի վարույթում է Սահակ Հարությունյանի և Ալեքսանդր Խաչատրյանի գործով բերված վերաքննիչ բողոքների քննությունը:
Գործը քննվել է Արմավիրի մարզի ընդհանուր իրավասության դատարանում Վահե Խալաթյանի նախագահությամբ:

37-ամյա Սահակ Հարությունյանը ՀՀ արդարադատության նախարարության քրեակատարողական վարչության այլընտրանքային պատիժների կատարման բաժնի Արմավիրի բաժանմունքի պետն է եղել, կոչումով՝ արդարադատության փոխգնդապետ:

32-ամյա Ալեքսանդր Խաչատրյանը նույն բաժանմունքի առաջատար մասնագետ է եղել, կոչումով՝ արդարադատության ավագ լեյտենանտ:

Հարությունյանին ու Խաչատրյանին մեղադրանք է առաջադրվել կաշառք պահանջելու և ստանալու համար՝ ՀՀ քրեական օրենսգրքի 311 հոդվածի 3-րդ մասի 1-ին, 2-րդ, 3-րդ կետերով:

Ըստ դատական ակտի՝ Բաբկեն Բ.-ն Արմավիրի մարզի ընդհանուր իրավասության դատարանի 2012 թվականի նոյեմբերի 29-ի դատավճռով մեղավոր է ճանաչվել խարդախության համար՝ ՀՀ քրեական օրենսգրքի 178 հոդվածի 2-րդ մասի 1-ին և 2-րդ կետերով, ու դատապարտվել է 3 տարի ազատազրկման:

Վերաքննիչ քրեական դատարանի՝ 2013 թվականի փետրվարի 27-ի որոշմամբ դատավճիռը բեկանվել է, Բաբկենի նկատմամբ որպես պատիժ նշանակված ազատազրկումը փոխարինվել է 900 հազար դրամ տուգանքով:

Տուգանքի ձևով նշանակված պատժի կատարման ապահովումը դրվել է արդարադատության նախարարության քրեակատարողական վարչության այլընտրանքային պատիժների կատարման բաժնի Արմավիրի բաժանմունքի վրա:

Դատապարտյալ Բաբկեն Բ.-ի անձնական գործը կազմելը, դրանում համապատասխան տեղեկություններ ներառելը բաժանմունքի պետ Սահակ Հարությունյանը հանձնարարել է բաժանմունքի առաջատար մասնագետ Ալեքսանդր Խաչատրյանին:

մանրամասները` սկզբնաղբյուրում