Մեր բոլորի պահանջը եղել է այն, որ սպանության դրվագով ՌԴ-ն իրավունք չունի քննություն իրականացնելու եւ վարույթը պետք է փոխանցվվի հայկական կողմին

Օրերս Սերժ Սարգսյանն ընդունել էր Հայաստանի եւ Ռուսաստանի միջեւ տնտեսական համագործակցության միջկառավարական հանձնաժողովի ռուսական կողմի նախագահ, ՌԴ տրանսպորտի նախարար Մաքսիմ Սոկոլովի գլխավորած պատվիրակությանը:

Նա երախտագիտություն էր հայտնել Ռուսաստանի իրավապահ մարմիններին եւ, մասնավորապես` դատախազությանը այս տարի հունվարին Գյումրիում կատարված անմարդկային հանցագործության հետաքննության կազմակերպման հարցերով ՀՀ դատախազության հետ արդյունավետ փոխգործակցության համար:

Սպանության մասով գործը Հայաստանի քննչական կոմիտեի վարույթ հանձնելու որոշումը եւ Հայաստանի համապատասխան ատյանի կողմից հետագա դատաքննությունը, Սերժ Սարգսյանի խոսքով, արտացոլում է գործընկերության եւ եղբայրության ոգին եւ լիովին համապատասխանում է Հայաստանում տեղակայված ռուսական ռազմաբազայի կարգավիճակի մասին հայ-ռուսական համաձայնագրի դրույթներին:
Արդյո՞ք ե'ւ սպանության, ե'ւ դասալքության վերաբերյալ դատավարությունը կանցկացվի Հայաստանում փորձեցինք պարզել Ավետիսյանների ընտանիքի փաստաբան Երեմ Սարգսյանը, ով Fnews.am-ի  հետ զրույցում նկատեց.
-Ըստ նախագահի հայտարարության հայկակական կողմը քննելու է միայն յոթ հոգու սպանության գործը, իսկ դասալքությունը` կարծում եմ կքննվի ամեն դեպքում ՌԴ-ում: Հայտարարությունից կարելի է ենթադրել, որ ռուսական կողմը դեռեւս քննում է դասալքությունը, իսկ հայկակական կողմը սպանության դրվագով ռուսական կողմի վարույթը միացվեու հայկական կողմից իրականացվող վարույթին, եւ սպանության դրվագով դատաքննությունը եւ նախաքննությունը իրականացվելու Հայաստանում:
-Զարմանալի է, թե ինչու են ոմանք կարծում, որ ինչ-որ բան կա, որ ռուսական կողմը գործը ամբողջությամբ փոխանցել է հայկական կողմին: Մենք մի բան գիտենք, որ հենց առաջին օրվանից մեր բոլորի պահանջը եղել է այն, որ սպանության դրվագով ՌԴ-ն իրավունք չունի քննություն իրականացնելու եւ վարույթը պետք է փոխանցվվի հայկական կողմին: Այդ իսկ նկատառումներից ելնելով տուժող կողմը չէր ներգրավվում ռուսական կողմից իրականացվող քննությանը: Իմ կարծիքով ոչինչ չփոխվեց, որովհետեւ այս փուլում բավարարվեց ինչպես տուժողնորի ներկայացուցիչների, այնպես էլ բոլոր գյումրեցիների պահանջները, իսկ, թե նախկինում ինչու չէր բավարարվում` չեմ կարող ասել: Կարող եմ ասել, որ չնայած հայկական կողմից իրականացվող նախաքննությունը մոտենում էր ավարտին, բայց հիմա երբ ռուսական կողմի վարույթը եւս հիմա հայկական կողմը պետք է ուսումնասիր համադրի հայկական կողմի վարույթի հետ հնարավոր է որոշակի ժամանակ պահանջվի, ամեն դեպքում մեր կողմից իրականացվող քննության հիմնական անելիքը արված է:

Տաթեւիկ  Աբրահամյան