Ադրբեջանի պաշտպանության նախարարության զառանցանքը. առաջիկայում Հայաստանի դեմ հատուկ օպերացիա է նախատեսվում

Վերջին օրերի լարվածության պայմաններում ՀՀ ՊՆ Սեյրան Օհանյանը հայտարարել էր. «Ես կհորդորեի, որ մեր հակառակորդներն այս պահին, երբ մենք բոլորս ցանկանում ենք, որպեսզի հանդիպումներ լինեն, բանակցային գործընթացը կառուցողական ընթացք ստանա, զերծ մնալ հռետորաբանությունից, տարբեր տիպի անկապ խոսակցություններից՝ չգիտեմ էս կանենք, էն կանենք, քարը քարի վրա չենք թողնի: Քարը քարի վրա չթողնողը երևի թե Արցախյան ազատամարտի ժամանակ ամեն ինչ կթողներ և կգար կպաշտպաներ իր հայրենիքը»:

ՀՀ ՊՆ հայտարարությունը հուլիսի 21-ին Ադրբեջանի պաշտպանության նախարարությունը մեկնաբանել է. «Սեյրան Օհանյանի հայտարարությունը դատարկախոսություն է և իրականությունից հեռու է: Բոլոր այս հայտարարությունները հասցեագրված են հայ ժողովրդին, որը քաղաքական, ռազական և տնտեսական անկում է արձանագրել»:

Ու սա հայտարարում է մի երկիր, որը քաղաքական իմաստով բռնապետություն է, ռազմական տեսանկյունից՝ պարտվել է պատերազմում, իսկ տնտեսության բոլոր ոլորտներում գրեթե 50 տոկոսի անում է գրանցվել միայն 2015 թվականին:

Այս կազմաքանդվող երկրի ճղճիմ ղեկավարությունն ու մասնավորապես պաշտպանության նախարարությունը հայտարարում է.

«Երևի, Սեյրան Օհանյանը հիշողության կորուստ ունի: Նա մոռացել է նախորդ տարվա օգոստոս ամսվա և այս տարվա սկզբին բազմաթիվ կորսուստները Հայաստանի զինուժում, երբ զոհված հայ զինվորների մարմինները մեքենաներով էին դուրս բերվում: Հարկ կլինի հիշեցնել Ս. Օհանյանին ադրբեջանական զինվորի ուժի մասին, այն էլ ամենամոտ ապագայում»:

Հայաստանը շատ լավ հիշում է, որ 2014 թ. օգոստոսին ու 2015 թ. հունվարին շփման գծում ադրբեջանական զինուժը ոչ մի օպերացիա չէին կարողանում գլուխ հանել, այլ ստիպված էին լինում սեփական զինվորների լեշը բեռնատարներով հանել: Մենք նաև համոզվել են, որ ադրբեջանցի զինվորը ուժեղ է միայն, երբ հայը քնած է:

Իսկ մինչ ռազմատենչ հայտարարություն անելն՝ Ադրբեջանին հարկ է հիշեցնել, որ ռազմական գործողությունների մեկնարկի պարագայում Բաքուն կկորցնի ամեն ինչ. կպայթեցվեց Ադրբեջանի տնտեսական զարկերակները (նավթագազամուղեր), որը մասնավորապես ձեռնտու է Ռուսաստանին, կկասեցվեն Արևմուտքի բոլոր տնտեսական նախագծերը, իսկ ագրեսոր պետությունը միջազգային արդարադատությանը կներկայացվի:

Հավանաբար Ադրբեջանը մոռացել է նաև, որ Հայաստանը ակտիվ ռազմական դաշինքի՝ ՀԱՊԿ-ի անդամ է և անհրաժեշտության դեպքում դա ևս ի վնաս Բաքվի կօգտագործվի: Ադրբեջանն իր անպատասխանատու հայտարարությամբ ուղղակի հայ ժողովրդին «կոչ» է անում նոր տարածքներ ազատագրել:

http://fact.am/archives/90633