Ողջունելի է Գլխավոր դատախազի որոշումը՝ կարճելու ilur.am կայքի գլխավոր խմբագրի դեմ հարուցված քրեական գործը

Միանշանակ ողջունելի է Գլխավոր դատախազի որոշումը՝ կարճելու ilur.am կայքէջի գլխավոր խմբագրի դեմ հարուցված քրեական գործը: Ողջունելի է նաև նրա նախաձեռնությունը՝ հատուկ քննարկում կազմակերպելու ԵԱՀԿ Մամուլի ազատության հարցերով ներկայացուցչի, հայաստանյան զանգվածային լրատվության միջոցների, ոլորտի հեղինակավոր հասարակական կազմակերպությունների մասնակցությամբ՝ հասկանալու, թե, ելնելով միջազգային օրենսդրությունից ու պրակտիկայից, ինչպես է հնարավոր արդյունավետորեն հավասարակշռել խոսքի ազատության՝ տվյալ պարագայում լրատվության միջոցի կողմից սեփական աղբյուրների չբացահայտման իրավունքը և հանրության այլ կենսական շահերի պաշտպանությունը: Հուսով եմ, որ աշնանային քննարկումները կօգնեն գտնելու հավասարակշռության աշխատող ու փոխադարձ ընդունելի բանաձևեր: