Աշխարհի ամենամեծ ուղևորատար ինքնաթիռը վայրէջք է կատարում ուժգին քամու պայմաններում (լուսանկարներ, տեսանյութ)

Տեսանյութը ցույց է տալիս, թե ինչպես է աշխարհի ամենամեծ ուղևորատար ինքնաթիռն ուժգին քամու պայմաններում կարողանում դրամատիկ վայրէջք կատարել Գերմանիայում, գրում է The Daily Mail-ը։

Տեսանյութում երևում է Emirates A380-ը Դյուսելդորֆի օդանավակայանի թռիչքուղուն թեք անկյան տակ մոտենալիս։

Անհավատալի տեսանյութը YouTube-ում հրապարակել է Cargospotter անունով մի օգտատեր, ով գրել է, որ վերջին չորս տարվա ընթացքում բազմաթիվ վայրէջքներ է նկարահանել քամու պայմաններում, բայց սա առաջին անգամն է, որ նա կարողացել է նկարահանել նման պայմաններում A380-ի վայրէջքը։

Կադրերում երևում է, թե որքան ուժեղ են ազդում եղանակային պայմաններն անգամ նման հսկայական ինքնաթիռի վրա։

Վայրէջքի ժամանակ ինքնաթիռը զգալիորեն շեղվում է թռիչքուղու նշումներից և վայրէջք է կատարում շատ ավելի ձախ, բայց այնուհետ կարողանում է ուղղել իր դիրքը և բարեհաջող ավարտել թռիչքը։

tert.am