Ավտովթար Երևանում. բախվել են Volkswagen Touareg և Skoda մակնիշի ավտոմեքենաները. Skoda-ն բախվել է էլեկտրասյանը. կա վիրավոր

Այսօր՝ հոկտեմբերի 19-ին, ավտովթար է տեղի ունեցել Երևանում: Ժամը 01:40-ի սահմաններում Հերացի փողոցում, թիվ 7 շենքի դիմաց, Երևանի բնակիչ, 26-ամյա Արման Սարգսյանը իրեն վստահված Volkswagen Touareg մակնիշի 53 SA 555 համարանիշի ավտոմեքենայով բախվել է կայանված վիճակում գտնվող Skoda մակնիշի 34 CF 155 համարանիշի ավտոմեքենային: Ինչպես հայտնում է ֆոտոլրագրող Գագիկ Շամշյանը, վթարի հետևանքով Ա. Սարգսյանը մարմնական վնասվածքներով տեղափոխվել է թիվ 1 համալսարանական հիվանդանոց: Հարվածի հետևանքով Skoda-ն ինքնաբերաբար առաջ ընթանալով՝ բախվել է էլեկտրասյանը: Օպերատիվորեն վթարի վայր են ժամանել ճանապարհային ոստիկանության 1-ին սպայական գումարտակի ծառայողները և ապահովագրական ընկերությունների ներկայացուցիչները: Վթարի մասին ՃՈ օպերատիվ կառավարման կենտրոնից տեղեկությունը փոխանցել են Հայաստանի քննչական կոմիտեի Երևանի քննչական վարչություն, որտեղից վթարի վայր է ժամանել հատկապես կարևոր գործերով քննիչ Դավիթ Մարտիրոսյանը, ում կողմից փաստի առթիվ նյութեր են նախապատրաստվում: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: