Իմ օբյեկտն է, ասի կայնեմ, տենամ՝ ինչ ա էղել… սակայն չհասցրեց թացը չորից զատել. Mercedes-ը տեղափոխվեց պլաշչադկա

Երեկ՝ նոյեմբերի 4-ին, Երևանի ՃՈ պետ Արման Հակոբյանի կարգադրությամբ Երևանի ՃՈ պահպանվող հատուկ տարածք է տեղափոխվել Mercedes ML 350 մակնիշի 08 ML 808 համարանիշի ավտոմեքենան: Ինչպես հայտնում է ֆոտոլրագրող Գագիկ Շամշյանը, նշված ավտոմեքենան վարել է Բաբաջանյան փողոցի 93 շենքի բնակիչ Միհրան Բալյանը, ով, ստեղծելով վթարային իրավիճակ, ավտոմեքենան կայանել էր մայթին՝ խոչընդոտ հանդիսանալով հետիոտների համար: Վերջինս իր այդ քայլը պատճառաբանում էր՝ ասելով. «Իմ օբյեկտի դեմն ա: Ասի, կայնեմ, տենամ՝ ինչ ա էղել, որ էդքան ոստիկաններ են հավաքվել»: Նշված խախտման համար Մ. Բալյանը ենթարկվել է վարչական պատասխանատվության, որից հետո ավտոմեքենան դուրս է բերվել «գաի պլաշչադկայից»: Ֆոտոլրագրողի տեղեկություններով՝ ավտոմեքենան հաշվառված է Բաբաջանյան փողոցի բնակիչ Սերժիկ Բալյանի անվամբ: Ճանապարհային ոստիկանությոնը կրկին հորդորում է վարորդներին, որ չխախտեն ճանապարհային երթևեկության կանոնները և մեքենաները չկայանեն հետիոտնի համար նախատեսված վայրերում, հակառակ դեպքում տրանսպորտային միջոցները տեղափոխվելու են ՃՈ պահպանվող հատուկ տարածքներ, վարորդներն էլ վարչական պատասխանատվության են ենթարկվելու:

մանրամասները՝ shamshyan.com-ում: