Քննարկվել է «Հայկական վերածնունդ»-ի ներքին կազմակերպչական, ինչպես նաև ՀՀ ներքին և արտաքին քաղաքական հարցերի լայն շրջանակ

Նիստում քննարկվել է «Հայկական վերածնունդ» հասարակական-քաղաքական միավորման ներքին կազմակերպչական, ինչպես նաև ՀՀ ներքին և արտաքին քաղաքական զարգացումներին առնչվող հարցերի լայն շրջանակ: Մասնավորապես, անդրադարձ է կատարվել Սահմանադրական փոփոխությունների հանրաքվեի նախընտրական շտաբի աշխատանքներին:

Սահմանադրական փոփոխությունների հանրաքվեի նախընտրական շտաբի պետ Թելման Արամյանը, ներկայացնելով շտաբի աշխատանքները, նշեց, որ այս ժամանակաշրջանում հանրապետությունում առկա բոլոր 1997 տեղամասերում նշանակվել են հանձնաժողովի անդամներ, որոնցից 111-ը որպես հանձնաժողովի նախագահներ, 111-ը որպես հանձնաժողովի քարտուղարներ, իսկ մնացած 1775-ը՝ հանձնաժողովի անդամներ: Միաժամանակ  յուրաքանչյուր տեղամասում նշանակվել են  3-ական վստահված անձ, որոնց ընդհանուր թիվը կկազմի մոտ 6000: Ձևավորվել է նաև շրջիկ խումբ, բաղկացած ավելի քան 2000 մարդուց, որոնք հանրաքվեի ընթացքը վերահսկելում են իրավիճակը տեղամասերից դուրս: Ընդհանուր առմամբ հանրաքվեի անցկացման ողջ գործընթացին ներգրավվել է  ավելի քան 10000 մարդ:

Կառավարման խորհրդի նիստին նախորդող ժամանակաշրջանում «Հայկական վերածնունդ» հասարակական-քաղաքական միավորմանն են միացել «Զեյթուն» հաշմանդամ երեխաների ծնողների, «Արմավիրի Մայրության Օրրան», «Կայունություն», «Էկոնոմիքս»  գիտահետազոտական և վերլուծական կենտրոն հասարական կազմակերպությունները:

Կառավարման խորհուրդը հաստատել է «Հայկական վերածնունդ» հասարակական-քաղաքական միավորման միությունների և հանձնաժողովների պատասխանա­տուների ամփոփիչ կազմը.

1. Երիտասարդների միություն – Դավիթ Հարությունյան
2. Կանանց միություն – Անահիտ Եղոյան
3. Բարեգործական միություն – Շուշան Ասատրյան
4. Մանկավարժների միություն – Մարինե Քոչարյան
5. ՓՄՁ միություն – Ստեփան Ասլանյան
6. Առողջապահական միություն – Ավետիս Ավետիսյան
7. Հաշմություն ունեցող անձանց միություն – Նվարդ Միրզոյան
8. Ազատամարտիկների և զորացրված զինծառայողների միություն – Ռազմիկ Ռուշանյան
9. Իրավապաշտպանների միություն – Վաղարշակ Վարդանյան
10. Մշակութային միություն – Արամ Հովհաննիսյան
11. Հայրենիք և Սփյուռք միություն – Արփի Վանյան
12. Սպորտային միություն – Կարեն Ասմարյան
13. Քաղաքական վերլուծական հանձնաժողով – Էդգար Առաքելյան
14. Իրավական և օրենսդրական վերլուծությունների հանձնաժողով – Տիգրան Սարգսյան
15. Տնտեսագիտական վերլուծությունների և մոնիտորինգի հանձնաժողով – Վիլեն Խաչատրյան
16. Հանրային կապերի հանձնաժողով – Կարեն Թումանյան
17. Կրթության և գիտության հիմնահարցերի հանձնաժողով – Անդրանիկ Ավետիսյան
18. Արտաքին կապերի և միջազգային համագործակցության հանձնաժողով – Պողոս Շահինյան
19. Բնապահպանական հիմնախնդիրների հանձնաժողով – Հայկ Խուդաբաշյան
20. Հայրենակցական միությունների հետ համագործակցության հանձնաժողով – Հովհաննես Հովհաննիսյան

Կառավարման խորհուրդը հանձնարարել է «Հայկական վերածնունդ» հասարակական-քաղաքական միավորման միությունների և հանձնաժողովների պատասխանա­տուներին մինչև ս.թ. դեկտեմբերի վերջն ավարտին հասցնել Երևան քաղաքում և ՀՀ մարզերում ձևավորվող տարածքային միավորների ստեղծումը:

Նիստում անդրադարձ է կատարվել նաև ՀՀ ներքին և արտաքին մարտահրավերների առնչվող մի շարք հիմնահարցերի:

  «Հայկական վերածնունդ» հասարակական-քաղաքական միավորման մամուլի ծառայություն