27-ամյա վարորդը Mercedes-ով ոստիկանության Երևան քաղաքի վարչության դիմաց դուրս է եկել հանդիպակաց գոտի և կողաշրջվել

Այսօր՝ դեկտեմբերի 5-ին, խոշոր ավտովթար է տեղի ունեցել Երևանում: Ժամը 02:40-ի սահմաններում Երևանի բնակիչ, 27-ամյա Արմեն Մխիթարյանը իր վարած Mercedes մակնիշի 48 ՍA 888 համարանիշի ավտոմեքենայով Հերացիի թունելից դեպի Խանջյան փողոցի թունելի սկզբնամաս ընթանալիս ոստիկանության Երևան քաղաքի վարչության դիմաց բախվել է ճանապարհի բետոնե բաժանարար հատվածին, կողաշրջվել և մոտ 45 մետր այդ վիճակում առաջ ընթացել՝ հայտնվելով հանդիպակաց գոտում: Ինչպես դեպքի վայրից հայտնում է ֆոտոլրագրող Գագիկ Շամշյանը, օպերատիվորեն դեպքի վայր ժամանած Երևանի 1-03 շատ օգնության բժիշկներին վարորդ Ա. Մխիթարյանը հայտնել է, որ ինքը վթարի հետևանքով վնասվածքներ չունի և հրաժարվել է բժշկական օգնությունից: Ժամանել են նաև հրշեջ-փրկարարները, ովքեր փակել են գազաբալոնը և անջատել մարտկոցը: Վթարի վայր են ժամանել Ճանապարհային ոստիկանության 1-ին սպայական գումարտակի 4-րդ դասակի ավագ տեսուչ Հակոբ Մասչյանն ու տեսուչ Սիմոն Հովհաննիսյանը, ովքեր էլ անվարույթ նյութեր են նախապատրաստել: Ֆոտոլրագրողը հայտնում է, որ վթարի պատճառը եղել է այն, որ ավտոմեքենան վարելու ընթացքում խոտանվել (ծակվել) է անվադողը, ինչից հետո վարորդը, չկարողանալով կառավարել ավտոմեքենան, տեղի է ունեցել վթարը, ու, բարեբախտաբար, զոհեր և վիրավորներ չկան: Ֆոտոլրագրողը հայտնում է, որ օպերատիվ են աշխատել նաև «Սանիտեկ» ընկերության ներկայացուցիչները, ովքեր տեղում մաքրման աշխատանքներ կատարեցին, քանի որ կողաշրջվելուց հետո մեքենայից յուղի արտահոսք էր սկսվել:

 shamshyan.com