Երևանում բախվել են «գիշերային թիթեռնիկի» Mitsubishi-ն և քրեականի օպերի Нива-ն. գործը քննում է ավագ քննիչ «Ալեն Դելոնը»

Հայաստանի քննչական կոմիտեի Երևանի քննչական վարչության ավագ քննիչ Գոռ Թադևոսյանի կողմից նյութեր են նախապատրաստվում` հունվարի 12-ին Երևանում տեղի ունեցած ավտովթարի փաստով: Ժամը 01:30-ի սահմաններում Մանանդյան և Մանթաշյան փողոցների խաչմերուկում բախվել են Երևանի բնակիչներ, 27-ամյա Ռուբիկ Բեգոյանի վարած ВАЗ 21214 մակնիշի 71 MF 100 համարանիշի և 40-ամյա Նաիրա Թովմասյանի վարած Mitsubishi մակնիշի 34 NV 824 համարանիշի ավտոմեքենաները: Ինչպես հայտնում է ֆոտոլրագրող Գագիկ Շամշյանը, վթարի հետևանքով վարորդներից Ն. Թովմասյանը մարմնական վնասվածքներով տեղափոխվել է Երևան բժշկական կենտրոն: Քննիչի հանձնարարականով ավտոմեքենաները տեղափոխվել են Երևանի ՃՈ պահպանվող հատուկ տարածք: Գ. Շամշյանի տեղեկություններով` Нива-ի վարորդը աշխատում է ոստկանության Երևան քաղաքի վարչության Արաբկիրի բաժնի քրեական հետախուզության բաժանմունքում` որպես ավագ օպերլիազոր, իսկ Ն. Թովմասյանը ավելի շատ հայտնի է «գիշերային թիթեռնիկ» մականվամբ, իսկ գործը քննող ավագ քննիչ Գ. Թադևոսյանին ավելի շատ ընկերներն անվանում են «Ալեն Դելոն»:

 shamshyan.com