ՀՀԿ-ն, երկու թեկնածուին էլ բարի երթ է մաղթել, քանի որ «կուսակցությունը չէր կարող կողմնապահություն անել».Գագիկ Սահակյան

Սպիտակի քաղաքապետի աթոռի համար առաջիկա կիրակի կայանալիք ընտրություններում երկու թեկնածու է պայքարում՝ Սպիտակի նախկին և գործող քաղաքապետեր Վանիկ Ասատրյանը և Գագիկ Սահակյանը: Երկուսն էլ իշխող Հանրապետական կուսակցության անդամներ են, երկուսն էլ՝ ինքնառաջադրվել են:
Քաղաքապետի թեկնածու Գագիկ Սահակյանը Fnews.am-ի հետ զրույցում պարզաբանեց, որ ՀՀԿ-ն, երկու թեկնածուին էլ բարի երթ է մաղթել, քանի որ «կուսակցությունը չէր կարող կողմնապահություն անել»:
Գործող քաղաքապետ Գագիկ Սահակյանը վստահեցնում է, որ Սպիտակ քաղաքում դեռ անելիքներ ունի: Ըստ Սահակյանի, առաջնայինը՝ բնակարանաշինությունն ու աշխատատեղերի ստեղծումն է: «Բազմաթիվ գործարարների եմ դիմել, որպեսզի մեր քաղաքում որոշակի աշխատատեղեր ստեղծեն, իրենց բիզնեսը ստեղծեն քաղաքում, որոշակի ներդրումներ անեն»,- իր խոսքում նշեց Գագիկ Սահակյանը:
Քաղաքապետի թեկնածուն հավաստիացնում է, որ պաշտոնավարման նախորդ տարիներին, իրականացրել է բազմաթիվ ծրագրեր, որոնք կշարունակի նաեւ վերընտրվելու դեպքում:

«Սպիտակը աղետի գոտի է և այստեղ կան քաղաքի վերակառուցման հետ կապված բազմաթիվ խնդիրներ, որոնք աստիճանաբար փորձում ենք լուծել: Այդ խնդիրը տեղական ինքնակառավարման որևէ մարմին ինքնուրույն լուծել չի կարող, դա նաև պետության խնդիրն է, որովհետև աղետի գոտի ասվածը ներառում է բավականին մեծ շրջան: Նման ծրագրերը միշտ իրականացնում է պետությունը, մենք էլ մեր ուժերի ներածին չափով ենք փորձում մասնակցել դրանց»,- ասաց նա:

ճշտմանը, թե կարելի է ասել թեժ պայքար կարող է ընթանալ երկու ՀՀԿ-ական թեկնածուների միջեւ, Սահակյանը նկատեց, որ «Նորմալ հարաբերություններ են բոլորի հետ էլ, առողջ մրցակցություն է այստեղ և բացարձակ դժվար չէ»:

Ինչ վերաբերում է նրան, որ ինքը ևս չի առաջադրվել ՀՀԿ-ի կողմից, եւ արդյո ՞ք իր համար դժվար չի լինի պայքարել, ապա քաղաքապետի թեկնածուի դիտարկմամբ, դա նշանակում է, որ ՀՀԿ-ն գործում է ազատ մրցակցության դաշտում:

Գագիկ Սահակյանը նշեց, որ իր շանսերը բարձր է գնահատում, եւ եթե ցածր գնահատեր, ապա չէր առաջադրվի:

Քաղաքապետի թեկնածու Գագիկ Սահակյանի շանսերը բարձր է գնահատում նաեւ Սպիտակի բնակիչ, մանկավարժ Ժորա Հերիքնազյանը, ով խնդրեց իր խոսքը որեւէ կերպ չկրճատել, չխմբագրել, ու իր ասածները՝ մեկ առ մեկ ներկայացնել հանրությանը: Մանկավարժ Հերիքնազյանը վստահեցնում էր, որ իր նման մտածողների բանակը շատ է, քանի որ Սահակյանը իրականում շատ համեստ ու դաստիարկված անձնավորություն է:

ժորա Հերիքնյազյանը, ով հետո պարզեցինք, որ քաղաքում իր խոսքն ունի, դրվատանքի խոսքեր հնչեցրեց նաեւ Սպիտակի տարածաշրջանից մեծամասնական ընտակրգով ընտրված պատգամավոր Արկադի Համբարձումյանի ու նրա ընտանիքի հասցեին, ասելով որ Համբարձումյանները տարիներ շարունակ լուրջ աշխատանք են կատարել այդ տարածաշրջանի համար՝ առանց բարձրաձայնելու ու իրենց անձը առաջ բերելու: Նա նաեւ նշեց, որ առանձնահատուկ հարգանք ունի նաեւ ԱԺ պատգամավոր Արկադի Համբաձումյանի հանդեպ, քանի որ նա շատ լուրջ ու կայացած անհատականություն է, որին հարգում ու ընդունում են բոլոր սպիտակցիները:

Իսկ քաղաքապետի թեկնածու Գագիկ Սահակյանի վերաբերյալ հնչող գնահատականները՝ տեսանյութում: