«Քանաքեռցի Տույը»-ը՝ հայաստանյան կազինոներից մեկում սկանդալային պատմության մեջ հայտնվելու, պաշտոնյա ընկերներ ունենալու, ու իր անձի շուրջ պտտվող այլ խոսակցությունների մասին

Վերջին ժամանակներս դարձյալ մամուլի ուշադրության կենտրոնում է հայտնվել հանցագործ աշխարհում «Քանաքեռցի Տույ» մականունով հայտնի Արթուր Ղազարյանը, ով նախորդ տարի էլ հայտնվել էր իրավապահների ուշադրության կենտրոնում:

Այժմ էլ «Քանաքեռցի Տույ»-ը, մամուլում պտտվող լուրերի համաձայն, իբր հայտնվել է մի սկանդալային պատմության մեջ, եւ դեպքն էլ տեղի է ունեցել հայաստանյան խաղատներից մեկում: Նույն լուրերի համաձայն, քրեական հեղինակությունը, ինչ-ինչ պատճառով խաղատան աշխատակցի հետ թեթև վեճի է բռնվել, եւ տվյալ կազինոյում մոտ 20 000 դոլար շահուց հետո իբր հանկարծ բռնկվել է, այդ դոլարների տրցակները բացել, պատառոտել, բարձրաձայն հայհոյել «տիրումեր» և այլն ու հեռացել:

Դեպքից հետո, նույն հրապարակման համաձայն, խաղատան տնօրինությունը, իբրեւ Տույին փորձել է տեսնել, սակայն Տույը գնացել է Հայաստանից, ու Բագրատաշենի անցակետով հանգրվանել Թբիլիսիում: Սակայն այնտեղ նրան գտել և «հրավիրել» են Հայաստան: Տույը նրանց համոզել է, որ ինքը կոնկրետ մարդու չի հայհոյել, պարզապես խմած է եղել, ընդհանուր քֆուր է տվել:
Նույն հրապարակման մեջ խոսք էր գնացել նաեւ այն մասին, որ «Քանաքեռցի Տույ»-ի մտերիմ գեներալը՝ ԴԱՀԿ նախկին պետ Միհրան Պողոսյանը, հրաժարական է տվել, դե իսկ ոստիկանապետն էլ, մեղմ ասած, տանել չի կարողանում նրան:

Պարզելու համար, թե ի՞նչ նոր սկանդալների կիզակետում է հայտնվել քրեական հեղինակություն Արթուր Ղազարյանը, եւ թե արդյո՞ք նա իրականում կոնֆլիկտ է ունցել հայստանյան կազինոներից մեկում, եւ վերջապես որտե՞ղ է այս պահին գտնվում հեղինակությունը, Fnews.am-ը կապ հաստատեց Արթուր Ղազարյանի՝ «Քանաքեռցի Տույ»-ի հետ, ով մեզ հետ զրույցում նախ զարմացավ լսելով այդ խոսակցությունները, հետո հավելեց, որ. «Այդ ամենը ապատեղեկատվություն է, եւ իրականության հետ ոչ մի կապ ունենալ չի կարող: Նման բան չի եղել, եւ չէր էլ կարող լինել: Նախ այդ լուրեր տարածողները կարող են այցելել Հայաստանում գտնվող բոլոր խաղատները, եւ պարզել, թե ես երբ եմ խաղատուն գնացել, եւ գումարներ խաղացել: Երկրորդ, եթե անգամ գնացած լինեի էլ, (դա իմ գործն ա ուր գնալ, ու ինչ անել), ապա ՀՀ-ի խաղատների սեփականատերերից շատերը իմ լավ ընկերներն են, հետեւաբար կազինոյում խաղալու, կամ գինովցած լինելու պարագայում էլ, ուղղակի կոնֆլիկտներ չէին կարող առաջանալ: Եւ վերջապես. եթե այդպիսի մեկը կա՝ ով իմ հետ խնդիր ունի, եւ ուզում է ինձ տեսել, ես խնդիր չունեմ, պատրաստ եմ տեսնելու, հանդիպելու ու խոսելու, որտեղ ուզում են: Ի՞նչ հարց կա, ես չեմ հասկանում: Ինչքան կարելի ա նման անհեթեթ խոսակցություններ տարածել ու անվերջ մարդկանց ուղղությամբ սլաքներ ուղղել, ո՞ր ինչ: Եթե կա տենց մեկը, որ կարա աչքերիս մեջ նայի ու իմ հետ հարց ունենա, կարամ հեռախոսահամար փոխանցել, որ կարողանան կապ հաստատել:(Ծիծաղում է): Իսկ եթե որոշ «սութիներ» մտածում են, որ զակազներ տալով խնդիր են լուծում, թող չմոռանան բումերանգի էֆեկտի մասին: Եթե ինձ շատ են կարոտում, ու առանց ինձ չեն կարում, էդ էլ իրանց պրոբլեմն ա, թող օդ շնչեն, հանգիստ ֆռֆռան...Իսկ հարց ունեցողները, թող նախօրոք հարց մտածեն, որ կարանան աչքերիս մեջ նայեն, որ պիոների պես շարք չկանգնեն»...

Հարցին, թե ինչո՞ւ է անընդհատ շահարկվում քրեական հեղինակության անունը, եւ թե ինչո՞ւ են նրան փորձում պարբերաբար պահել թիրախի կենտրոնում, Ղազարյանը հարցին հարցով պատասխանեց, ասելով.«Հարգելիս, էդքան որ շահարկում են քրեական հեղինակութո՜ւն, հեղինակությո՜ւն, ինչ ա, հո՞ կրակը չենք ընկել, որ նամուս ու թասիբ ունենք: Ինչքան կարելի ա գրել, ով ում խի ա սիրում խի չի սիրում, եւ այլն: Ամոթ ա: Ես բոլորին էլ հարգում եմ, այդ թվում նաեւ այն մարդկանց, այն պաշտոնյաներին, ում անունը տարբեր առիթներով փորձում են շահարկել»:

Ճշտող այն հարցին էլ, թե հայտնի քրեական հեղինակությունը, իրականում հիմա էլ ունի պաշտոնյա շատ ընկերներ ու գեներալներ, Ղազարյանը փոխանցեց.

«Ես միշտ էլ, եւ հիմա էլ շատ ընկերներ ունեմ տարբեր բնագավառներում: Իմ համար կարեւոր պաշտոնը՝ ՄԱՐԴ լինելն ա: Կարող ա էդ էլ ա բարդ ու դժվար գործ, բայց ես տենց եմ ապրում: Իսկ իմ մտերիմները, ընկերները՝ գեներալ են, լեյտենանատ, թե շարքային քաղաքացի, իմ համար կապ չունի. իմ ընկերներն են միշտ:

Չգիտեմ, թե ում ա ձեռնատու էս ամենը, բայց կրկնում եմ, պետք չի մոռանալ նաեւ բումերանգի  մասին: Անահարմար ա, բոլորս էլ մարդ ենք, ապրում ենք մեր աշխարհայցքով ու մոտեցումներով: Ավելին ասեմ.քանի որ ես ինքնաթիռ չեմ նստում, էդ պատճառով էլ միշտ էլ ավտոմեքենայով եմ դուրս գալիս ՀՀ-ի սահմաններից, ու ամեն տարի էլ ես տարբեր բիզնես ծրագրերով մի 30 անգամ տարվա մեջ ներս ու դուրս եմ անում: Հիմա ի՞նչ, եթե ես իմ բիզնես պրոյեկտներով եմ զբաղված, ու ՀՀ-ից դուրս եմ գալիս, ամեն անգամ պիտի ասեն՝լքե՞ց Հայաստանը: Ծիծաղարժ բաներ մի ասեք: 

Ամոթն էլ ա լավ բան: Հայ ազգը մի բռունցք դարձած՝ թշնամու դեմ ա պայքարում, մենք էլ ներսից ենք չեղած բաներ մոգոնում: Ով ինչ ուզում ա մտածի, ասի, մուտիլովկաներ տարածի, դա իրա խնդիրն ա ես զբաղված եմ իմ գործերով, ու իմ ծրագրերով, ու որեւէ մեկի հետ էլ խնդիրներ չունեմ: Իսկ ով խնդիր ունի ինձ հետ, ես իմ տեղում եմ, ու պատրաստ եմ ցանակացածի հետ հանդիպել ու խոսել իրեն հետաքրքրող թեմաների շուրջ: Որպես հայ մարդ, էս պահին ինձ հետաքրքրում ա իմ ժողովրդի խաղաղությունն ու անվտանգությունը»: