«Բարգավաճ Հայաստանն» ու «Հայկական Վերածունդ»-ը մրցակիցներ չեն կարող լինել, իսկ ինչ վերաբերում է մյուս ուժերին, ապա...
Fnews.am-ը անցնող տարվա իրադարձությունների ու հնարավոր առաջիկա ներքաղաքական զարգացումների շուրջ զրուցել է հայտնի քաղաքագետ Գագիկ Համբարյանի հետ:
-Պարոն Համբարյան, մոտենում է 2017թ-ը. ինչ եք կարծում, ի՞նչ է սպասվում Հրեղեն աքաղաղի տարում: Ըստ Ձեզ ինչպե՞ս կվերադասավորվեն քաղաքական ուժերը և ո՞վ կլինի ֆավորիտը՝ նախ եւ առաջ ընդդիմադիր դաշտում:
-Դե կոնկրետ չեմ կարող ասել, թե ով կդառնա ֆավորիտ, բայց մեր ընդդմիությունը հասկացավ, որ առանց միավորումների իրենք չեն կարող որևէ հաջողության հասնել: Դա պարզ դարձավ ՏԻՄ ընտրություններց հետո, երբ Գյումրիում և Վանաձորում տեղի ունեցած ավագանու ընտրություններում, ընդդիմադիր կուսակցությունները պարտություն կրեցին:
Իսկ ինչ վերաբերվում է ԲՀԿ-ին և Հայկական Վերածնունդին, ապա ես նրանց չեմ համարում հարյուր տոկոսանոց ընդդիմադիր ուժեր: Այդ նույն ԲՀԿ-ն ժամանակին հայտարարում էր, որ ինքը երրորդ ուժ է. այսինքն ո՛չ ընդդիմություն է , ո՛չ էլ իշխանամետ է: Այնպես, որ ըստ իս ԲՀԿ-ի և Գագիկ Ծառուկյանի ռեինկարնացիան շատ անհրաժեշտ է. որովհետև 2015թ-ի փետրվարի 12-ից հետո, ընդդիմադիր դաշտի այն մասը, որը վերահսկվում էր Գագիկ Ծառուկյանի կողմից, անտեր մնաց: Այսինքն մեր ընդդիմադիր կուսակցությունները չկարողացան լրացնել իր բացը, երբ Ծառուկյանը հայտնի պատճառներով հեռացավ քաղաքականությունից:
Կարծում եմ նա կկարողանա վերադառնալ քաղաքականություն, քանի որ ունի շատ կարևոր երկու կողմեր: Առաջինը ՝ նա ունի իր ընտրազանգվածը, որը մեծ խթան է ԲՀԿ-ի համար՝ ԱԺ-ի ընտրությունների ժամանակ: Եվ երկրորդ ամենակարևոր հանգամանքը, դա նրա ֆինանսական մեծ հնարավորություններն են: Իսկ ՀՀ-ում ֆինանսական հնարավորությունները ամենակարևորն են: Իսկ իշխանությունների համար ավելի ձեռնտու է գործ ունենալ կանխատեսելի գործընկերոջ հետ այն պարագայում, երբ կձևավորվի կոալիցիա: Եվ հավանաբար հենց այսպես է մեկնաբանվում նրա վերադարձը քաղաքական դաշտ, բայց չգիտես ինչու, նրա վերադարձը մի փոքր երկարաձգվում է :
-Իսկ ի՞նչ կարծիք ունեք նոր ձեւավորվող ընդդիմադիր դաշիքների մասին:
-Ընդդիմադիր դաշինքները արդեն սկսել են ձևավորվել և առաջինն էլ ձևավորվել և կոչվում է «ԵԼՔ», որում երեք կուսակցություններ են միավորվել: Իսկ մինչ ապրիլ դեռ ժամանակ կա, եւ միգուցե այսպիսի ընդդիմադիր դաշինքներ էլի ձևավորվեն:
-Իսկ ԲՀԿ-ն եւ Հայկական Վերածնունդը կարո՞ղ են լինել մրցակիցներ, եթե Ծառուկյանը վերջնականապես հայտարարի քաղաքականություն վերադառնալու մասին:
-Չեմ կարծում, որ ԲՀԿ-ի և Հայկական Վերածննդի ընտրազանգվածը նույնն է, եւ որ նրանք կարողանան դառնալ մրցակից կուսակցություններ: Բայց եւ պիտի նշեմ, որ ՀՀ-ի քաղաքական կյանքում ընդդիմությունը տարբերվում է մյուս երկրներից նրանով, որ մեզ մոտ ընտրությունների քարոզարշավների ժամանակ ընդդիմադիր ուժերը պայքարում են ոչ թե իշխանամետների, այլ մեկը մյուսի դեմ: Նրանցից յուրաքանչյուրը մյուսին փորձում է մեղադրել իշխանությունների գործակալ լինելու մեջ: Խնդիրն էլ հենց սա է, որ ընդդիմությունը ոչ թե կարևորագույն հարցեր է փորձում լուծել ի շահ բոլոր ընդդիմադիր ուժերի, այլ սկսում է սևացնել մյուս ընդդիմադիր կուսակցություններին:
Իսկ ում ավելի հեշտությամբ կընդունի և կվստահի ժողովուրդը. Արթուր Բաղասարյանի՞ն, թե՞ Գագիկ Ծառուկյանին, ապա ասեմ, որ Արթուր Բաղդասարյանի ֆենոմենը շատ տարօրինակ է: 2008թ-ի նախագահական ընտրություններից հետո, ժողովրդի մոտ ոչ միայն հիասթափություն, այլև մի տեսակ ատելություն առաջացավ նրա նկատմամբ և գրեթե ողջ մամուլը լցված էր հակաՕԵԿ-ական լուրերով...
Սակայն նա կարողացավ վեր հառնել птица феникс-ի նման: Իհարկե Հայկական Վերածնունդն այսօր ունի որոշակի շանսեր, նորից հավատ ներշնչելու համար,բայց ես չեմ կարծում, որ Արթուր Բաղդասարյանը կարող է մրցակից լինել Գագիկ Ծառուկյանին: Ծառուկյանն ավելի սիրված է, և ունի շատ մեծ ֆինանսական հնարավորություններ:
-Պարոն Համբարյան, իսկ ինչ պատկեր կունենանք Հայաստանի Հանրապետկան կուսակցության դեպքում: Կլինե՞ն իրականում լուրջ խմորումներ ՀՀԿ-ի ներսում:
-Ճիշտն ասած, ես ՀՀԿ-ին չեմ համարում դասական կուսակցություն: ՀՀԿ անդամների մեծ մասը պաշտոնամոլ անձինք են: Համոզված եմ, որ շատերը չգիտեն ՀՀԿ-ի գաղափարախոսությունը: ՀՀԿ-ն բազմաբևեռ խումբ է, որն ունի նաև վաղուցվա անդամներ. օրինակ Անդրանիկ Մարգարյանի ընկերները, Հ. Աբրահամյանի թիմը, նախագահականի թիմը, ներկայիս վարչապետ Կարեն Կարապետյանի թիմը:
ՀՀԿ-ի ներսում կլինեն իհարկե խմորումներ, բայց դրանք չեն լինի ցայտուն և բացեիբաց , որ հանրությունն իմանա: Սակայն թվարկածս բոլոր թիմերն ունենալու են մեկ նպատակ ՝ հավաքել մաքսիմալ ձայներ ՀՀԿ-ի համար :
-Իսկ ի՞նչ կասեք Սեյրան Օհանյան-Վիկտոր Դալլաքյան միասնական դիրքերից հանդես գալու մասին :
-Ես չեմ կարծում, որ այս կարճ ժամանակահատվածում ստեղծված նրանց կուսակցությանը մեծ հաջողություններ են սպասվում : Կուսակցությունը պետք է ունենա որոշակի պատմություն, որ ժողովուրդը այդ պատմությունն ուսումնասիրելով հասկանա՝ կուսակցությունն ընդդիմադիր է, թե իշխանամետ:
Նախարարի պաշտոնից դուրս գալ և հայտարարել, թե ընդդիմադիր է՝ բոլորը կարող են: Ժողովուրդը ոչ թե հայտարարությունների է սպասում, այլ արարքների: Սեյրան Օհանյանի այս արարքը ժողովրդի կողմից դիտվում է որպես վիրավորանք՝ ընդդիմադիր դաշտին: Հասարակության մեջ կասկածներ են առաջանում ընդդիմադիր դաշտի նկատմամբ: Եվ հետո էլ, նրանց ֆինանսական ցուցանիշը կարծում եմ այդքան բարձր չէ, որ նրանք կարողանան բարձր արդյունքների հասնել :
Զրույցը՝ Ա. Առաքելյանի