Ցանկալի կլիներ, որ օլիգարխները չմասնակցեին ԱԺ ընտրություններին․ Ալբերտ Բազեյան
Երեւանի նախկին քաղաքապետ, Ազգային ժողովի նախկին փոխնախագահ Ալբերտ Բազեյանը դժվարանում է կանխատեսել, թե ինչպիսի արդյունք կտա ռեյտինգային համակարգը ապրիլի 2-ին կայանալիք ԱԺ ընտրություններում, որն առաջին անգամ է կիրառվելու։
«Չեմ ուզում կանխատեսումներ անել, կփորձարկեն՝ կտեսնենք»,- ասաց մեր զրուցակիցը։
ՀՀԿ-ն այս ընտրություններում ներկայանում է մի նախընտրական ցուցակով, որը գլխավորում են երիտասարդ նոր դեմքեր, ՀՀԿ-ն փորձում է դուրս մղել օդիոզ դեմքերին։ Քաղաքական դաշտում սերնդափոխության հայտ է ներկայացրել նաեւ «Ելք» դաշինքը, ի՞նչ սպասելիքներ կարող ենք ունենալ այս առումով։
«Կա այդպիսի միտում, բայց դա էական դեր խաղալ չի կարող»,- նկատեց Ալբերտ Բազեյանը։
«Իսկ ճի՞շտ եք համարում, որ որոշ փորձառու քաղաքական գործիչներ հրաժարվեցին մասնակցել ԱԺ ընտրություններին»,- հետաքրքրվեցինք մեր զրուցակցից։
«Չեմ ուզում գնահատականներ տալ, կարեւորն արդար, օրինական, հասարակության վստահությունը վայելող ընտրությունների անցկացումն է։ Կարեւոր է, որ ընտրություններն անցնեն առանց էքսցեսների, կեղծիքների։ Ես ավելի շատ կարեւորում եմ արդար ընտրությունների անցկացումը, քան այն, թե ովքեր կգան իշխանության այդ ընտրությունների արդյունքում»,- ասաց Ալբերտ Բազեյանը։
Ալբերտ Բազեյանին հիշեցրինք, որ մեր թերթը հրապարակել էր տեղեկություն այն մասին, որ ԼՂՀ ՊԲ նախկին ղեկավար Սամվել Բաբայանը Ալբերտ Բազեյանի անունը ներկայացրել էր Օհանյան-Րաֆֆի-Օսկանյան դաշինքի ցուցակում ընդգրկելու համար։
«Ես էլ եմ մամուլից տեղեկացել այդ մասին, որեւէ նախաձեռնություն չեմ ցուցաբերել որեւէ քաղաքական ուժի կողմից ընտրություններին մասնակցելու համար։ Դա եղել է սեւագիր ցուցակ, հավանաբար դա եղել է Սամվել Բաբայանի ցանկությունը՝ ճշտումներ անելու համար։ Ես որեւէ ցանկություն չունեմ ընտրություններին մասնակցելու»,- ասաց մեր զրուցակիցը։
Ալբերտ Բազեյանից հետաքրքրվեցինք, թե ինչու՞ օրինակ, անկախ Հայաստանի ակունքներում կանգնած քաղաքական գործիչներն այսօր չունեն բավարար դերակատարում եւ ազդեցություն քաղաքական կյանքում։ Օրինակ՝ ԱԻՄ առաջնորդ Պարույր Հայրիկյանը չի մասնակցելու ընտրություններին, ԱԺՄ-ն՝ իր նախագահ Վազգեն Մանուկյանով։
«ԱԻՄ-ը չունի հավանաբար բավարար ռեսուրսներ, այդ պատճառով էլ դուրս մնաց ընտրություններից։ Ցավալի է, որ նման գործիչները դուրս են մնում, բայց ժամանակն էլ իր դերն է խաղում, սերնդափոխություն է տեղի ունենում։ Կա նաեւ մարդկային, ֆինանսական, քարոզչական ռեսուրսների խնդիր։ Նման ռեսուրսներ ունեն խոշոր կուսակցությունները, օլիգարխները։ Ցանկալի կլիներ, որ օլիգարխները չմասնակցեին այս ընտրություններին։ Կա՞ն, չէ՞, մարդիկ, որ ունեն հնարավորություններ, բայց նախընտրեցին չմասնակցել, օրինակ՝ Խաչատուր Սուքիասյանը»,- ասաց մեր զրուցակիցը։
Մեգերյանների ընտանիքը զբաղվել է հին գորգերի վերականգնումով և նոր գորգերի արտադրությանբ ավելի քան չորս սերունդ
Եւ այսօր իրապես մեծ է փաստաբան Լեւոն Բաղդասարյանի նման հանուն իրավունքի եւ արդարության շահը ճանաչող ու ամեն ինչից վեր...
Մարդու ամենամեծ ձեռքբերումը՝ հավատն եմ համարում.Սամվել Շահնազարյան
Սահմանազատման երեք տարբերակ է քննարկվել
Ադրբեջանն Ալմա-Աթայի հռչակագրից հրաժարվելու հիմքեր է ամրագրել, որ ավելին ստանա Հայաստանից
Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումները»
«Այս իշխանությունը «կաղ բադիկ է», գնացող, խնդիրը զուտ արտաքին և ներքին քաղաքական որոշումն է». «Փաստ»
«Ամեն օր եկեղեցում մոմ էի վառում ոչ միայն իր, այլ մեր բոլոր տղաների համար. երբեք չեմ ցանկանա, որ որև...
