Ամեն մեկն իր գործընկերներն է ընտրում. Վիգեն Սարգսյանն արձագանքում է Բաքվի ռազմական գործընկերների հետ պայմանավորվածություններին

Այն որ Ադրբեջանը մշտապես աճեցնում է իր ռազմական պոտենցիալը եւ ռազմական գործակցությանը Իսրայելի եւ Թուրքիայի հետ, Երեւանի համար նորություն չէ: Եւ Երեւանը չի պատրաստվում որեւէ համարժեք պատասխան տալու այս գործընկերությանը: Այսպես է արձագանքել ՀՀ Պնախարար Վիգեն Սարգսյանը ՌԻԱ Նովոստիի լրագրողի` Անկարա-Թել Ավիվ- Բաքու ռազմական գործընկերության մասին հարցին եւ նշել ,որ ամեն մեկն ինքն է ընտրում իր գործընկերներին: Վիգեն Սարգսյանը նկատել է, որ Երեւանն էլ ընտրել է իր ռազմական գործընկերներին սեթալան արժեքներից ու արտաքին քաղաքական դոկտրինի եւ ազգային անվտանգության ռազմավարության պահանջներից ելնելով: Սրանով հանդերձ Վիգեն Սարգսյանն արձանագրել է, որ շատ հեշտ է իրավիճակը բերել ցնցումների` ռազմա-քաղաքական ոլորտնում նոր խաղացողների ներգրավումով: Այս իմաստով Թուրքիան ըստ ՀՀ Պնախարարի ծայրահեղս ապակառուցողական կեցվածք է որդեգրել Հարավային Կովկասում եւ շարունակում է Հայաստանի շրջափակումն ու հերքում ակնհայտ իրողության` Օսմանյան Կայսրությունում Հայոց Ցեղասպանության: Վիգեն Սարգսյանը նաեւ նշել է, որ Անկարան չի կատարում Ցյուրիխում 2010-ին ստորագրած իր արձանագրությունների պայմանները: գալով արդեն ԼՂ հակամարտության հարցին, Վիգեն Սարգսյանը նշել է, որ Անկարան այստեղ եւս ունի կանխակալ մոտեցում, որով շարունակում է իրեն մեկուսացնել ռեգիոնալ պրոցեսներից: Վիգեն Սարգսյանը նաեւ ասել է, որ որքան ժամանակ որ Թուրքիան Արդբեջանի հետ հարաբերություններում կշարունակի մեկ ժողովուրդ երկու պետություն սկզբունքը գործադրել դուրս կմնա ռեգիոնալ խաղից, քանի որ անկարելի է ներգրավված լինել ռեգիոնալ պրոցեսներին ու ունենալ փակ սահմաններ Հայաստանի հետ:

Hraparak.am