«Ընտրություններից հետո մենք կֆիքսենք՝որ ուժերն են իրավուքն ձեռք բերել ունենալ խմբակցություններ նոր խորհրդարանում».Շարմազանով.VIDEO

Այսօր ՀՀԿ ԳՄ նիստից հետո՝ լրագրողների հետ  ճեպազրույցում ԱԺ փոխխոսնակ, ՀՀԿ մամուլի խոսնակ Էդուարդ Շարմազանովը տեղեկացրեց, որ  նիստի ընթացքում քննարկել են արտաքին քաղաքական  զարգացումները, ինչպես նաև նախագահի այցը ԱՄԷ:

Շարմազանովը շեշտեց՝ ԱՄԷ-ից դեպի ՀՀ 100 միլիոնի ներդրում է արվել, ապա ավելացրեց՝ 2017 թվականը լինելու է ներդրումների ավելացման տարի:
Անդրադառնալով քարոզարշավին՝ Շարմազանովը շեշտեց. ‹‹Կուսակցության ԳՄ-ն ու նախընտրական շտաբը դրական են գնահատում ՀՀԿ–ի քարոզչությունը, դրական դինամիկա կա››, – նշեց Շարմաանովը:
Լրագրողների հարցին՝ ՀՀԿ-ն «Ծառուկյան» դաշինքի հետ դաշինք կկազմի՞, թե՞ ոչ, Շարմազանովը պատասխանեց.
«ՀՀԿ-ն որևէ կուսակցության հետ՝ բացառությամբ ՀՅԴ-ի, որի հետ այս պահին գտնվում է կոալիցիայում, հետնըտրական զարգացումների հարց չի քննարկել, այդ թվում՝ «Ծառուկյան» դաշինքի հետ:

«Չեմ կարծում, որ «Ծառուկյան» դաշինքն արմատական ընդդիմություն է։ Շատ քաղաքացիներ, ինչու չէ, նաև դաշինքում ընդգրկված քաղաքական գործիչներ, որոնք այդքան էլ քիչ չեն, հենց իրենք «Ծառուկյան» դաշինքին ընդդիմադիր չեն համարում»:

Լրագրողների հարցին՝ ի վորջո, ՀՀԿ-ն ապագայում կկազմի՞ կոալիցիաներ, Շարմազանովը արձագանքեց. «Ամեն ինչ ցույց կտա ապրիլի 2-ի ընտրությունների արդյունքները։ Ընտրություններից հետո մենք կֆիքսենք որ ուժերն են իրավունք  ձեռք բերել՝ ունենալ խմբակցություններ նոր խորհրդարանում, և կա՞ ուժ, որը կարող է միայնակ կազմել կառավարություն:
Կոալիցիաները ինքնանպատակ չեն լինելու։ Դրանց հիմքը լինելու է ընդհանուր ծրագրային տեսլականը։ ՀՀԿ-ն առանց գաղափարական հիմքի որևէ ուժի հետ չի պատրաստվում կոալիցիաներ կազմել»:

Մանրամասները՝Fnews.am-ի տեսանյութում: