Արարատի մարզ վարկանշային թեկնածուներից ակնհայտ առավելությամբ առաջատարը ՀՀԿ-ական Արայիկ Գրիգորյանն է
Արարատի մարզն ընդգրկող թիվ 5 ընտրատարածքում վարկանշային թեկնածուներից ակնհայտ առավելությամբ առաջատարը ՀՀԿ-ական Արայիկ Գրիգորյանն է՝ Ավշարի գինու գործարանի սեփականատեր, նա ստացել է 45 300 ձայն, ՀՀԿ-ական Մուրադ Մուրադյանի օգտին են քվեարկել 17072 ընտրող, իսկ Ալիկ Սարգսյանի՝ 6393։ Արգամ Աբրահամյանը ստացել է 33779 քվե, «Ծառուկյան» դաշինքի մեկ ուրիշ անդամ՝ ԲՀԿ-ական Տիգրան Ստեփանյանի օգտին 3809 ընտրող է քվեարկել ։Ելք դաշինքի թեկնածու Ռազմիկ Թեւոնյանն էլ ստացել է 4145 ձայն, ՀՎԿ թեկնածու, ՕԵԿ պատգամավոր Իշխան Խաչատրյանը՝ 914 , ՀՅԴ-ական Հայրապետ Բաբայանին 1040 ընտրող է իր ձայնը տվել, Ղուկասավանի գյուղապետ Արա Վարդանյանին՝ 771։
Հ.Գ Խորհրդարանական այս ընտրություններից հետո, եւս մեկ անգամ ապացուցվեց, որ Արայիկ Գրիգորյանը իր ունեցած հարգանքի ու հեղինակության շնորհիվ մշտապես շարունակում է գլխավոր խաղացողի ու առաջատարի դիրքերում լինել:
Վառ ապացույցը Արարատի մարզում արձանագրված ցուցանիշներն են: Գրիգորյանները այստեղ մատ արեցին բոլոր ուժերին անխտիր՝ցույց տալով նրանց իրական տեղն ու դերը: