Հայտնի քրեական հեղինակություն Արթուր Ղազարյանի՝ Քանաքեցի Տույի նման տղաներով ենք հարուստ, հպարտ ու անկոտրում.PHOTO.VIDEO

Տավուշի մարզում բացվեց հուշաղբյուր-խաչքար. 

Այսօր՝ մայիսի 8-ին, մայիսյան եռատոնի առթիվ Տավուշի մարզի Վերին Ծաղկավան գյուղում բացվեց Հայկ Ղազարյանի հուշաղբյուր-խաչքարը, որը նվիրված էր 2016 թվականի ապրիլյան պատերազմի մեր փառապանծ հերոսներին։

Խաչքարի տեղադրման նախաձեռնողը քրեական աշխարհում հայտնի Արթուր Ղազարյանն էր՝ «Քանաքեռցի Տույ»-ը, ով իր հոգու պարտքն էր համարել այս կերպ արժեվորել ու գնահատել բոլոր այն հերոսներին ՝մեկ առ մեկ, ովքեր անմահացան հանուն հայրենիքի…

Հուշաղբյուր-խաչքարի մոտ հավաքվել էին մեծ թվով տավուշցիներ, ինչպես նաեւ բազում հյուրեր՝ ՀՀ-ից ու Արցախից:

Նշենք, որ հրավիրյալների թվում էին նաեւ ԱԺ նորընտիր պատգամավոր Դավիթ Մանուկյանը (դեսպան Անդրանիկ Մանուկյանի որդին), Տավուշի մարզպետի տեղակալ Լեւոն Սարգսյանը, Տավուշի նախկին մարզպետ Արմեն Ղուլարյանը, Դիլիջանի քաղաքապետ Արմեն Սանթրոսյանը, Քաղաքաշինության նախկին նախարար Վարդան Վարդանյանը, լեզվաբան Լավրենտի Միրզոյանը, զինվորականներ, համայնքի ղեկավարներ, ինչպես նաեւ այլ հեղինակություններ ու ճանաչված դեմքեր, որոնց մեջ էր նաեւ Էրեբունու հայտնի թաղային հեղինակություն Արտյոմը , ով Ծաղկավան համայնք էր եկել իր շքախմբով:

Նշենք, որ Հուշաղբյուր-խաչքարի հարակից հատվածն ամբողջությամբ բարեկարգվել էր Ղազարյանների ընտանիքի կողմից, իսկ տեղաբնակներն էլ իրենց հերթին նշում էին, որ այդ հատվածը իրենց համար Սուրբ վայր է:

Խաչքարի օծումը կատարեց Տավուշի թեմի առաջնորդ Բագրատ եպիսկոսպոս Գալստանյանը:

Ի դեպ ներկա հյուրերից շատերը` լեզվաբան Լավրենտի Միրզոյանը, Տավուշի փոխմարզպետը, ինչպես նաեւ Տավուշի մարզի համայնքապետերից շատ-շատերը անկեղծ խոստովանեցին, որ Արթուր Ղազարյան տեսակով իրենք  հարուստ են, հպարտ ու անկոտրում:

Նրանք նշեցին, որ Արթուրը, այս մարզում եւ ընդհանրապես,   սատար է կանգնել բոլորին: Ինչպես նշեց հնաբնակ համայնքապետերից մեկը. «մեր Արթուրի, մեր հող ու ջրից ծնված այս խիզախ  տեսակի, ով իսկապես մեծ սրտի տեր մարդ է, ժամ ու պատարագ չկա. նրանց տան դռները  բաց են  եղել բոլորիս համար Մենք այսպիսի տղաներով, այս տեսակով ենք հարուստ: Արթուր Ղազարյանի նման տղաներ մեզ շատ են պետք. նրանք են մեզ թեւ ու թիկունք, նրանք են մեր դուխը, մեր հպարտությունը, մեր պատիվը»: 

Այլ  մանրամասներ՝ տեսանյութ, եւ Արթուր Ղազարյանի կատարած գործերի մասին, մայիսի 9-ի հրապարակման շրջանակներում:

Տավուշ-Երեւան