Կապիկ, կապիկլամիշ եք լինում, բոզություն մի արեք. Զինված խմբի գործով ամբաստանյալ Ապարը՝ Արթուր Վարդանյանին

Զինված խմբի գործով դատական նիստը սկսվելուց առաջ ամբաստանյալ Էդվարդ Ներսիսյանը՝ «Ապարը», պոռթկում ունեցավ՝ նույն շարքում նստած Արթուր Վարդանյանի ուղղությամբ որոշ արտահայտություններ նետելով. «Կապիկ, կապիկլամիշ եք լինում: Բոզություն մի արեք»:

Ամբաստանյալը այնքան էր վրդովվել, որ նրան դուրս տարան, հանգստացրին և հետո վերադարձրին դահլիճ: Ամբաստանյալի շահերի պաշտպան Կարմեն Պողոսյանը այդ պոռթկումը պատճառաբանեց իր պաշտպանյալի առողջական վիճակով: Երեքշաբթի նրան տարել են «Սուրբ Գրիգոր Լուսավորիչ» բժշկական կենտրոն, իսկ վերջինս տեղափոխությունները հիվանդագին է տանում: Պաշտպանի կարծիքով՝ ուղղակի անհրաժեշտ է, որ փոխվի իր պաշտպանյալի խափանման միջոց կալանավորումը՝ առողջական վիճակից ելնելով:

Դատական նիստում հրապարակվում են չորրորդ հատորի առկա փաստաթղթերը: Հայկ Ալումյանը մեկ անգամ ևս դատարանի ուշադրությունը հրավիրեց այն հանգամանքի վրա, որ նախաքննութան սկզբում երկու ամբաստանյալների՝ Արթուր Վարդանյանի և Հայր Անտոնի շահերի միջև հակասություններ են առաջացել, բայց այդ պայմաններում նախաքննության մարմինը թույլ է տվել, որ նրանց պաշտպանի նույն փաստաբանը՝ Լևոն Բաղդասարյանը: Լևոն Բաղդասարյանը հանդես եկավ պատասխան հայտարարությամբ, թե իր հարգարժան գործընկերը խեղաթյուրում է փաստերը:

Երկու ամբաստանյալների միջև էական հակասություններ ասելով Հայկ Ալումյանը նկատի ուներ մասնավորապես, որ նախաքննական ցուցմունքում հայր Անտոնը ասել է, թե Արթուր Վարդանյանի խոսքով՝ անհրաժեշտության դեպքում արյուն կթափվի, մարդիկ կզոհվեն, իսկ Արթուր Վարդանյանը իր ցուցմունքներում պնդել է, որ ինքը նման բան չի ասել:

Դատական նիստը շարունակվում է:

1IN.AM