Պրոֆեսիոնալ օպերատիվնիկները շատ լավ գիտեն՝ ովքեր ունեն թիկնապահներ. նախկին ոստիկանապետ.armdaily.am
ԱԱԾ եւ ՀՔԾ պետերի հեռախոսային զրույցի գաղտնալսումը դեռ երկար կքննարկվի հանրության շրջանում։ Ուժային կառույցի նախկին եւ ներկա պաշտոնյաներից շատերը խուսափում են մեկնաբանություն տալ տեղի ունեցածի վերաբերյալ, իրենց կյանքում շատ բան տեսած «օպերատիվնիկներն» անգամ զարմացած են։
Երեւանի նախկին ոստիկանապետ, գեներալ-մայորԱշոտ Կարապետյանը ArmDaily.am-ի հետ զրույցում ասաց, որ տեղի է ունեցել հանցագործություն, որն ուղղված է պետության դեմ։ Ինչպե՞ս կարող էին երկու բարձրաստիճանների գաղտնալսել, ո՞վ կարող էր նման բան անել, նախկին ոստիկանապետը չի մեկնաբանում, սակայն ունի իր կարծիքը։
Աշխատանքի ընթացքում երբեւէ տեղեկություններ ունեցե՞լ են, որ օլիգարխները հատուկ գաղտնալսող սարքեր ունեն, դրանց ետեւից գնացե՞լ են, թե՞ ոչ հարցին ի պատասխան՝ Կարապետյանն ասաց.
«Երբեւէ նման տեղեկության չենք տիրապետել, առհասարակ՝ չեմ կարող պատկերացնել նման բան»։
Միեւնույն ժամանակ՝ նախկին ոստիկանապետը վստահ է՝ լուրջ աշխատելու պարագայում ներկայիս տեխնիկական հնարավորությունները հաշվի առնելով՝ հնարավոր կլինի բացահայտել գաղտնալսողներին։ ԱԱԾ եւ ՀՔԾ պետերի զրույցի բովանդակությանը Կարապետյանը չի անդրադառնում, միայն նշում է, որ կոլեգաների միջեւ նման զրույցները միտված են աշխատանքի օգտակար գործողության գործակիցը բարձրացնելուն։
Մենք խնդրեցինք նախկին ոստիկանապետին մեկնաբանել նաեւ օլիգարխների թիկապահներին ասֆալտին պառկեցնելու օպերացիայից։ Տարիներ ի վեր թիկնապահների մասին խոսվել է, ինչո՞ւ չի հաջողվում օլիգարխներին թիկնապահաթափ անել։
մանրամասն՝այստեղ: