Թիվ 75 դպրոցի ուսուցչուհի՝ Աննա Արամյանի հակամանկավարժական գործունեության հետքերով. Տեսչական մարմինը պետք է գնահատական տա. Աշոտ Արշակյան

NewsMedia.am-ը  բոլորովին վերջերս,  անդրադարձել էր   թիվ 75 դպրոցում սովորող 10-ամյա աշակերտուհու հետ տեղի ունեցած միջադեպին,  որի  մանրամասները  ներկայացրել էր աղջնակի մայրը` տիկին Զառան:

Տիկին Զառան մանրամասն  պատմել ու ներկայացրել  էր, թե ինչի միջով են անցել  աղջնակն ու  իրենց ընտանիքի անդամները, մատնանշելով որ մաթեմատիկայի ուսուցչուհի Աննա Արամյանի կողմից երեխային հասցրած վիրավորանքների, ու բարոյահոգեբանական ճնշումների արդյունքում՝ 10-ամյա աղջնակը ծեծել է ոչ թե հոգեբանների, այլ հոգեբույժների դուռը:

(Լուսանկարում ՝մաթեմատիկայի ուսուցչուհի Աննա Արամյանն է )

Բայց սա դեռ ամենը չէ. վերջինս բացի մանկավարժին ոչ հարիր կեցվածք դրսեւորելուց`  երեխայի օրագրի մեջ նշումառում անելու ընթացքում, մեկ նախադասության մեջ չորս ուղարգրական սխալ էր թույլ տվել,  եւ  այդքանից հետո, երբ համացանցում ակտիվ քննարկման թեմա էր դարձել հրապարակումը. պատկան մարմիններից` մասնավորապես  ԿԳՄՍ-ից, եւ  ոչ մի ծպտուն:

Ի վերջո մատների արանքո՞վ են նայում նման  լրջագույն խնդիրներին  թավշյա Հայաստանում, թե՞  այլ հանգամանքով կարող է  պայմանավորված լինել լռության ուխտը սրբորեն չխախտելը, հարցադրում արեցինք ԿԳՄՍ նախարարության հանրակրթության վարչության պետ Աշոտ Արշակյանին, ով նախ նկատեց.

- Իհարկե, տեղի ունեցածին  պետք է գնահատական տրվի:

-Իսկ ո՞վ պետք է գնահատական տա պարոն Արշակյան, եւ  ինչո՞ւ մինչ օրս պատկան կառույցների կողմից արձագանք չի եղել...

- Պետք է ծնողը դիմի Կրթության պետական տեսչական մարմին,  եւ ներկայացնի խնդիրը: Որպեսզի Կրթության պետական տեսչական մարմինը գնա,  եւ որակի գնահատում անի ինչպես դպրոցում, այնպես էլ այդ ուսուցչի  դեպքում, եւ հստակ գնահատական տա՝ կատարվածին:  Մեր մասով՝ այսքանը կարող եմ ասել:

NewsMedia.am 

Լուրեր   Հայաստանից եւ աշխարհից