Որ մի անգամ էլ՝ «ճակատից մեխեն» այս իրավիճակի պատասխանատուներից գեթ մեկին, բանակում նմանօրինակ դեպքեր, գուցեեւ էլ տեղի չունենան

Զինված ուժերում վերջին օրերին տեղի ունեցած մտահոգիչ դեպքերի կապակցությամբ. առայժմ ՀՀ ՔԿ-ից լսում ենք, որ (հարուցված քր. գործերի շրջանակներում)՝ ձեռնարկվում են անհրաժեշտ քննչական և այլ դատավարական գործողություններ՝ դեպքի բազմակողմանի, լրիվ և օբյեկտիվ քննություն ապահովելու համար:

Վերջին բոթը, որ նորից ալեկոծեց ՀԱՅԻՆ. Հայկ Ասրյանի մահն էր…

Զինվորը մահացել էր ճակատի շրջանում ստացած մահացու հրազենային վնասվածքից:
Ժամանակն ու հետագա զարգացումների ընթացքը, իհարկե ցույց կտան, թե որքանով է քննչականը հետեւողական իր գործողություններում,
բայց որ իշխանությունները իրական կամք դրսեւորեն եւ "ճակատից մեխեն" այս իրավիճակի պատասխանատուներից գեթ մեկին, բանակում նմանօրինակ դեպքեր՝ գուցեեւ էլ տեղի չունենան...
Լավ, ինչքա՞ն կարելի է ներսից ջլատել, եւ բարոյալքել զինված ուժերը: Մինչեւ երբ ենք ասելու. չպարզված հանգամանքներում զինվոր սպանվեց, զինվորն ինքնասպանություն գործեց, զինվորը հանկարծամահ եղավ…մինչեւ ե՞րբ այսպես…

Ե՞րբ ենք գիտակցելու, որ սա լրջագույն աղետ է՝ մեր զինված ուժերի, պետության եւ բոլորիս համար:
Պատժեք՝բոլոր մեղավորներին մեկ առ մեկ, եւ թույլ մի տվեք, որ որեւէ մեկը ՊԼՍՏԱ:

Ամեն մի զինվորի կորուստը՝ մեր ողջ ազգի ցավն է, ողջ հայության վիշտը: Ինչու չեն գործուն քայլեր իրականացվում՝ ՄԵՐ ՀԱՅՈՐԴԻՆԵՐԻ ԱՆՎՏԱՆԳՈՒԹՅՈՒՆԸ ԼԻԱՐԺԵՔ ԱՊԱՀՈՎԵԼՈՒ ՀԱՄԱՐ.պարոնա՛յք սպաներ, եւ ՊԱՏԱՍԽԱՆԱՏՈՒՆԵՐ…

Եթե դուք գիտակցեք, եւ ըմբռնեք, թե ինչքան թանկ է զինվորի կյանքը իր ընտանիքի եւ բոլորիս համար, ապա գուցե այս դեպքերը բանակում կրճատվեն:
Այնպիսի մթնոլորտ է ձևավորվել, որ բանակը ակամայից դարձել է զոն, ու զնդան…
Գուցե ճեղքեր այնուամենայնիվ թողնվել ե՞ն, որից կարող են օգտվել մեծահարուստների, պաշտոնյաների ու արտոնյալների զավակները: Մտածե’ք, արդեն ուշ է… եթե համակարգային փոփոխություններ չեղան, այս ամենը կարող է հղի լինել՝ անդառնալի հետեւանքներով:

Հ. Գ 1

Չեմ կասկածում. շատերդ եք քաջատեղյակ, որ բանակում տարիներով կուտակված խնդիրներ կան. մասնավորապես` խորհրդային բանակից փոխանցված վատ ավանդույթներ` գաղութային օրենքներ, «դեդավշինա» կոչված, կոռուպցիոն երեւույթներ, եւ այլն:
Պատերազմի մեջ գտնվող բանակներում, մթնոլորտը առանց այն էլ շատ ավելի լարված է. թե՛ հոգեբանական, թե՛ մնացած բոլոր առումներով, եւ կյանքը ցույց է տալիս, որ նման Զինված ուժերում ավելի հաճախ են հանցագործություններ լինում:
Ուստի, բանակում արմատական քայլեր է պետք իրականացնել, մասնավորապես կոշտացնել է պետք կադրային քաղաքականությունը:
Սպաների ատեստացիայի` որակավորման գործընթացը պետք է շատ խիստ պայմաններում անցկացվի: Եւ բոլոր նրանք, ովքեր արժանի չեն այդ կոչմանը, եւ
չեն կարող կրել սպայի կոչումն ու կատարել իրենց  վրա դրված պարտականությունները, չպետք է տեղ ունենան մեր Զինված ուժերում:

Ժամ առաջ, փոփոխություններ են պետք կրթական-դաստիարակաչական ոլորտում, պետք է տնտեսական, սոցիալական որոշակի միջավայր ստեղծել զինծառայողների համար, օրենսդրական դաշտում նույնպես փոփոխություններ են պետք, որպեսզի բանակը առողջանա՝ առաջընթաց ապրի:

Հ. Գ2

Եւ վերջապես պարոն Փաշինյան , ժամանակն է ԱԱԾ ին հանձնարարելու ոչ թե ֆեյք ու սատանաներ բռնել, այլ ժամանակն է բռնելու, եւ «
պոկելու նրանց թաթիկները, կամ ԹԱԹԸ »
, ում մատը կարող է խառը լինել՝ այս անգութ գործերում:
Կարծում եմ՝ իրար հասկացանք…

Հավերժ փառք, ու խոնարհվում Ձեր Հիշատակի առաջ, սիրելի Հայորդիներ:

ԳԱՅԱՆԵ  ԶԱՐԳԱՐՅԱՆ