«Այսօրվա երիտասարդները առավել շատ կրթվում են հեռուստատեսությամբ, ինտերնետով, գողական, ցոփ ու շվայտ կյանքը քարոզող սերիալներով».Արկադի Տեր-Թադեւոսյան

Զինված ուժերում տիրող մթնոլորտի, զինվորների բարոյա-հոգեբանական վիճակի, հնարավոր լայնամաշտաբ պատերազմի եւ այլ հարցերի շուրջ, NewsMedia.am-ը զրուցել է Գեներալ-մայոր,արցախյան ազատամարտի հերոս, Շուշիի ազատագրման օպերացիայի հրամանատար ԱՐԿԱԴԻ ՏԵՐ ԹԱԴԵՒՈՍՅԱՆԻ, լեգենդար ԿՈՄԱՆԴՈՍԻ հետ:

-Պարոն Տեր-Թադեւոսյան, ինչպիսի?ն է այսօր Ձեր գնահատմամբ՝ Հայոց բանակում տիրող բարոյա-հոգեբանական մթնոլորտը: Եւ ըստ Ձեզ, որոնք են վերջին շրջանում տեղի ունեցած զինվորների ինքնասպանության պատճառները:

-Ինչպես գիտեք, ես թոշակի անցնելուց հեռացա բանակից, բայց ընդամենը ֆիզիկապես: Որովհետեւ պատերազմ անցած մարդը՝ չի կարող հեռանալ իր բանակից: Դրա համար էլ ստեղծեցի ԴՕՍԱԱՖ հասարակական կազմակերպությունը, որի հիմնական խնդիրը հայոց բանակի համար մասնագետներ պատրաստելն է: Եվ ինչպես նախորդ տասնամյակներում, այնպես էլ հիմա, շատ երիտասարդներ բանակ գնալուց առաջ՝ ռազմատեխնիկական տարբեր մարզաձեւ են յուրացնում մեզ մոտ: Մենք տարբեր մարզերում, քաղաքներում ունենք մասնագիտանում են: Այսինքն մենք գործ ունենք քաղաքացիական հասարակության հետ, ովքեր գալիս են մեզ մոտ, ապա արդեն մասնագիտացված գնում զինվորական ծառայության Հայոց բանակում: Նրանց հետ շփման ընթացքում առավել պարզ է դառնում մի բան, որ նրանցից յուրաքանչյուրը տարբեր մտածելակերպի,տարբեր արժեքներ կրող է. թե՛ դաստիարակության, թե՛ բնավորության տեսակետից, յուրաքանչյուրը մի աշխարհ է իր մեջ կրում: ԴՕՍԱԱՖ-ից էլ մենք նրանց ճանապարհում ենք Հայոց բանակ: Եվ հենց այստեղ նրանք բախվում են շատ նուրբ հոգեբանական խնդրի հետ` քաղաքացիական հանգիստ կյանքից տեղափոխվում են կարգապահական, կանոնադրություններով առաջնորդովող Հայոց բանակ: Մի վայր, որտեղ առավել պատասխանատու պետք է լինեն, եւ այս փոփոխությունը երբեմն շատ դժվար է լինում տղաների համար:Եվ հենց այստեղ էլ կարեւոր է ՊՆ-ի ենթակայության տակ գործող՝ բարոյահոգեբանական ապահովման վարչության աշխատանքի ճիշտ կազմակերպումը:

Բանակը շատ նուրբ օրգան է, չի կարելի է այն դարձնել հանրային քննարկման առարկա

-Պարոն Տեր-Թադեւոսյան, ըստ Ձեզ ինչո՞ւ են մեր զինվորները ՝դիմում եմ ինքնասպանության…

-Դժվար հարց եք տալիս: Նախ կարեւոր է հասկանալ, որ մեր ու ձեր սերունդը խիստ տարբեր է: Հասարակ մի բան. այսօրվա երիտասարդները, ցավոք սրտի առավել շատ կրթվում են հեռուստատեսությամբ, ինտերնետով, գողական, ցոփ ու շվայտ կյանքը քարոզող սերիալներով՝չգիտես ինչու: Բայց միեւնույն ժամանակ, գիտակ հասարակության զարգացումն ամեն դեպքում ապացուցում է, որ ամեն հաջորդ սերունդը գերազանցում է նախորդին: Եվ դրա վառ օրինակը՝ ապրիլյան պատերազմն էր, որը ցույց տվեց. թե ինչ քաջ, հերոս հայորդիներ ունենք մենք: Ես խոնարհվում եմ մեր զինվորների առաջ, ովքեր զօրուգիշեր՝ ձյան, անձրեւի տակ հսկում են մեր սահմանները՝ ամենապատասխանատու կերպով ապահովելով հայ ժողովրդի խաղաղ կյանքը:

Գիտեք, շատ դժվար, սթրեսային իրավիճակների են բախվում մեր զինվորները ծառայության ընթացքում: Եկեք համաձայնենք, որ հեշտ չէ մարտական դիրք պահել ու ամեն վարկյան սպասել՝ թշնամու կրակոցին: Յուրաքանյուրը յուրովի է հաղթահարում այդ սթրեսը: Մի բան անվիճելի է. մեր զինվորները շատ հստակ կատարում են իրենց առաջնային պարտքը՝ ամեն գնով պահպանելով իրենց վստահված սահմանը, բայց թերանում են՝ առաջին հայացքից երկրորդական, մանր թվացող, բայց ոչ պակաս կարեւոր՝ կոլեկտիվ համերաշխության մեջ: Այ այստեղ, շատ կարեւոր է հրամանատարների ճիշտ գործողությունները, թե ինչպես աշխատել մի քիչ բարդ, դժվար բնավորություն ունեցող զինվորների հետ: Այս բացթողումը կա, բայց դա շտկելի է. բանակը շատ նուրբ օրգան է, չի կարելի՝ այն դարձնել հանրային քննարկման առարկա:

-Պարոն Տեր-Թադեւոսյան, ի դեպ ինչպե՞ս կգնահատեիք ՀՀ վարչապետ Փաշինյանի եւ Ալիեւի վերջին հանդիպումը:

-Անկեղծ ասած, ես չեմ ուզում իմ գնահատակաները այդ թեմայով հնչեցնել: Թող այդ մասին խոսեն, քննարկեն քաղաքական վերլուծաբանները: Թույլ տվեք, այդ մասին լռել:

-Նկատենք, որ ռազմական փորձագետներից շատերը, առաջիկայում կանխատեսում են լայնամաշտաբ ագրեսիա՝ սահամանին: Դուք, որպես լեգենդար Հերոս, նման վտանգ տեսնո՞ւմ եք:

-Ոչ թանկագինս, ապրիլյան պատերազմը թշնամու համար շատ մեծ դաս էր, որից դեռ տարիներ են պետք, որ ուշքի գա:

Զրույցը՝ՆՈՆԱ ԱԴԱՄՅԱՆԻ