Քրեական հեղինակություն ներկայացող Սամվելը՝ (ՌԴ-ից ժամանած)կոնկրետ Հայրապետի ցուցումով, խոշտանգել է «Կերամմա Մարացցի»-ի ընկերության աշխատակցին. Ընկերության շուրջ ստեղծված աղմուկի հետքերով
Դեռեւս նախորդ տարվա վերջին, մամուլն անդրադարձել «Կերամմա Մարացցի » ընկերության սեփականատերի կողմից ` ընկերության արդեն նախկին գանձապահ ծեծված, խոշտանգված ունեզրկված Բ. Ս.-ի(անունը փոխված է) սարսափելի պատմությանը: Երբ «Կերամմա Մարացցի» ընկերության սեփականատերերը բառացիորեն ինկվիզիտորական մեթոդներով` ծեծով-ջարդով դատ ու դաստան էին իրականացրել իրենց աշխատակցի նկատմամբ միայն նրա համար, որ վերջինս հանդգնել էր դուրս գալ աշխատանքից:
«Որոշել էի, որ այլեւս չեմ ուզում աշխատեմ տվյալ ընկերությունում, ու դրա մասին տեղյակ էի պահել տնօրենին: Երեք օր հետո, ինձ կանչեցին սեփականատերերից մեկի աշխատասենյակ, որտեղ իրենց ներքին ծրագրայինով ցույց տվեցին գործարքներ` ասելով, թե այս ինչ գումարներ են: Պատասխանեցի, որ դրանք այն գործարքներն են, որի մասին տեղյակ է տնօրենը, եւ որոնք կատարել եմ տնօրենի հանձնարարությամբ ու պահանջով: Ասացին` չկա նման բան, եւ որ ես իրենցից փող եմ գողացել: Մոտ 168 միլիոն դրամի մասին էր խոսքը, որը իբրեւ թե ես գողացել եմ՝ 2014-2017թվականից սկսած: Ես նրանց բացատրեցի, որ իրենց ասածը իրականությանը չի համապատասխանում, եւ որ ես որեւէ գործարք չեմ արել առանց տնօրենի իմացության: Բայց ո՞վ էր ինձ լսողը. սկսեցին բղավել, գոռալ, թե սուտ եմ ասում, ու սկսեցին ինձ ծեծել:
Ծեծեցին, սպառնացին, եւ այդ սպառնալիքների ազդեցության տակ ստիպեցին, որ թղթի վրա գրեմ. թե ես իրապես իրենցից գողացել եմ այդ 168 միլիոն դրամ գումարը: Ծեծում էին ամենատարբեր ու ամենադաժան ձեւերով: Սպառնում, որ մատս կկտրեն, մարդ կվարձեն` թոքս կծակի, սպառնում էին, որ կվնասեն հղի կնոջս, որ կվերացնեն ընտանիքս»,-դեռեւ նախորդ տարի այս մասին մամուլով բարձրաձայնել էր այսօր արդեն քրեական գործով տուժող ճանաչված Բ.Ս.-ն:
Թե ինչ ընթացքի մեջ է սույն գործը, կա՞ն արդյոք գործով մեղադրյալներ, թե ոչ, NEWSMEDIA.am-ը փորձեց պարզել տուժողի շահերի ներկայացուցիչ, փաստաբան Գ.Մելիքյանից, ով նշեց.
-Այս պահին նախաքննություն է ընթանում, վերջին շրջանում որոշակի օբյեկտիվություն ենք նկատում՝ նախաքննական մարմնի կողմից:
-Կոնկրետ ի՞նչ գործողություններ են իրականացվում:
-Շուրջ մեկ ամիս կլինի. խոշտանգման, ծեծի հանգամանքների հետ կապված՝ առերեսում է ընթանում « Կերամմա Մարացցի» ընկերության սեփականատերից մեկի, եւ պաշտպանյալիս միջեւ: Առերսումը պարբերաբար հետաձգվում է, քանի որ գործը ինքը բավականին երկար է, եւ հարցերն էլ բազում են:
-Կոնկրետ, ո՞ր սեփականատիրոջ:
-Այս պահին դեռեւս Հայրապետ Կարապետյանի հետ:
-Նա ընդունո՞ւմ է այն, ինչի մասին բարձրաձայնում է տուժողը:
-Իհարկե ոչ, բնականաբար չի ընդունում:
-Կոնկրետ այս պահին, սույն գործով կարգավիճակ ունի՞ Հայրապետ Կարապետյանը:
-Դեռ, ոչ: Այս պահին զուտ վկայի կարգավիճակով է: Հույս ունեմ, որ առերեսումներից, որոշակի քննչական գործողություններից հետո. նրան, եւ ոչ միայն նրան` կարգավիճակ կտրվի:
-Միայն վերոնշյալ սեփականատիրո՞ջ հետ է առնչվում սույն գործը:
-Ոչ, մյուս սեփականատերերը եւս կան, ինչպես նաեւ ՌԴ-ից ժամանած քրեական հեղինակություն ներկայացող անձնավորություն, ով կոնկրետ Հայրապետի ցուցումով խոշտանգել է տուժողին: Որպեսզի վերջինս ասի այն՝ ինչ ունի, եւ դրանք հանձնի Հայրապետին:
- Ո՞վ էր այդ քրեական հեղինակությունը:
-Ներկայացել է, որպես Հայրապետի մտերիմ:
- Անունը կասե՞ք:
-Սամվել, եթե չեմ սխալվում, գիտեմ, որ ՌԴ-ից եկած քրեական հեղինակություն է, ով կոնկրետ հենց այդ հարցերով է զբաղվում` խոշտանգումներով փողեր ստանալով: Մենք վերջերս էլ պարզեցինք, որ իրենք կոնկրետ խմբեր ունեն, որոնք խոշտանգումներ են իրականացնում:
Գիտեմ հարցեր շատ ունեք, բայց այս պահին այսքանը կարող եմ ասել:
Ձեր ցավը տանեմ, ինչ կուզեք գրեք, ես ոչ մեկին ոչ մի բան չեմ արել
Վեր բարձրացված խնդրի եւ այս խայտառակ պատմության շուրջ մեկնաբանություն ստանալու համար, NEWSMEDIA.am-ը կապ հաստատեց նաեւ « Կերամմա Մարացցի » ընկերության սեփականատերից Անդրանիկ Գասպարյանի հետ, ով նախ հեգնական տոնով ասաց.
-Ա՛յ ցավներդ տանեմ, ի՞նչ եք ուզում ինձանից, հարյուր հոգի մարդ է զանգել ինձ (ծիծաղում է):
-Ձեզանից ոչինչ չենք ուզում, ընդամենը մեկնաբանություն…
-Գիտեմ, ինչ եք հարցնելու. էլ մի տանջվեք հարցրեք: Ցավդ տանեմ, ասեմ որ ես կապ չունեմ էդ գործերի հետ, ես հենեմ իմ տունը նստած՝ ցավդ տանեմ: Ես ի՞նչ ասեմ: Ես ոչ մի բան չունեմ ասելու՝ Ձեր ցավը տանեմ, ինչ կուզեք գրեք, ես ոչ մեկին ոչ մի բան չեմ արել, ես վաբշե…
Պատրաստեց՝ ՆՈՆԱ ԱԴԱՄՅԱՆԸ
NewsMedia.am
Լուրեր Հայաստանից եւ աշխարհից