Սեռական բնույթի հայհոյանքներով համեմված ասել է. «Ինչու ես հաղորդում ներկայացրել՝ ոստիկանապետի դեմ». Նոր ուշագրավ մանրամասներ Սիսանի ոստիկանապետի ժպ-ի գործով

NEWSMEDIA.am-ը,  ի սկզբանե անդրադարձել էր Սիսիան ոստիկանապետի ԺՊ-ի կողմից դաժան ծեծի ենթարկված, խոշտանգված Սիսիանի բնակիչ Գառնիկ Սիմոնյանի հետ կատարված միջադեպին, եւ հիմա էլ, շարունակում է հետեւողականորեն անդրադառնալ քր. գործի զարգացումներին: 

Հիշեցնենք, որ 64-ամյա Գառնիկ պապիկը NewsMedia.am-ի հետ զրույցում անձամբ էր պատմել, թե ինչպես էին Սիսիանի ոստիկանապետի ժպ-ն, եւ նրա աշխատակիցները իր իսկ սենյակում, դաժան ծեծի եւ բռնության ենթարկել՝ ստիպելով բնակարանային գողությունն իր վրա վերցնել։ Դեպքի առնչությամբ Հատուկ քննչական ծառայությունում հարուցվել է քրեական գործ է Սիսիանի ոստիկանապետի պաշտոնակատար` Գարիկ Մուրադյանի նկատմամբ: Քրեական գործ է հարուցվել՝ պաշտոնատար անձի կողմից իր պաշտոնեական դիրքը ծառայության շահերին հակառակ օգտագործելու կամ ծառայողական պարտականությունները չկատարելու, ինչպես նաև խոշտանգման հոդվածներով։ Իսկ Գառնիկ Սիմոնյանը ճանաչվել է որպես տուժող:

Ներկայացվել է իրեղեն ապացույցը՝ արյան հետքերով հագուստը, որով այդ օրը 64-ամյա պապիկը՝ բաժնում բռնության է ենթարկվել ոստիկանապետի ժպ-ի կողմից:
Իսկ թե ի՞նչ ընթացքի մեջ սույն գործով քննությունը, փորձեցինք հետաքրքրվել տուժող Գառնիկ Սիմոնայանի եւ ինչպես նաեւ նույն ոստիկանապետի ժպ-ի կողմից Գառնիկ պապիկի ճակատագրին արժանացած եւս մի քանի հոգու շահերի ներկայացուցիչ, աղմկահարույց գործերով հայտնի փաստաբան ԼՈՒՍԻՆԵ ԶԵՅՆԱԼՅԱՆԻՑ, ով ներկայացրեց հետեւյալը .

-Ինչպես տեղեկացրել էի Ձեր լրատվամիջոցին՝ Գառնիկ Սիմոնյանը ճանաչվել է տուժող: Ապա նաեւ ցուցմունք է տվել ՀՔԾ-ում, ներկայացվել են իրեղեն ապացույցները. արյան հետքերով հագուստները, որով այդ օրը պապիկը ոստիկանությունում բռնության է ենթարկվել՝ ոստիկանապետի ժպ-ի կողմից :Մի նեղ հանգամանք եւս ի հայտ ենք բերել. այն է, ապրիլի 16-ին Ոստիկանության Սիսիանի աշխատակից Արարատ Օհանյանը մի քանի անգամ զանգահարել է Գառնիկ Սիմոնյանին՝ առանց ներկայացնելու պատճառները: Գառնիկ պապիկը հրաժարվել է ներկայանալ՝ տեղեկացնելով, որ ունի փաստաբանական թիմ, եւ որ առանց մեզ հետ խորհրդակցելու չի պատրաստվում ներկայանալ: Զարմանալիորեն սակայն, երբ մենք՝ փաստաբաներս, փորձել ենք ինքներս զանգահարել եւ հետաքրքրվել, թե ինչո՞ւ է վերջինս հրավիրում պապիկին բաժին՝ զանգահարողը շրջանցել է մեր հարցը՝ պատճառաբանելով որ զբաղված է:

-Ըստ Ձեզ, ինչո՞ւ էր վերջինս ցանկանում պապիկին բաժին հրավիրել: Եվ առհասարակ, Սիսիանի ոստիկանապետի ժպ-ն, այս ընթացքում փորձել է՞ ուղղակի կամ անուղղակի կերպով լռեցնել պապիկին:

-Ուղիղ նման բան չի արել, որովհետեւ Գարիկ Մուրադյանը այնքան թրծված է նման գործերի մեջ, այնքան լավ է մեղմ ասած՝ «պարապած», որ իր դեմքով նա պապիկին չի անհանգստացնի: Նա այդ ամենը անում է անուղղակի կերպով: Մեր ունեցած վարկածով՝ այդ Արարատ Օհանյանը տուժողին կանչում էր ոստիկանություն, որպեսզի նրա հետ խոսեր ոստիկանապետի ժպ-ն: Որովհետեւ Օհանյանի զանգերին հաջորդել է Աշոտ Ադոնցի հայհոյախառն զանգերը: Ադոնցը այն անձն է, ում իրերը ենթադրյալ մտածել են, որ Գառնիկ պապիկն է գողացել ու բերման են ենթարկել: Ադոնցը հեռախոսով սեռական բնույթի հայհոյանքներ էր հնչեցնում Գառնիկ Սիմոնյանի հասցեին, ապա ասում, որ իր իրերը տեղում են, եւ ոչ մի բան իր պայուսակից պակաս չկա: Ադոնցը՝ սեռական բնույթի հայհոյանքներով համեմված ասել է. . «Ինչու ես անմեղ մարդու վրա շառ անում, ինչու ես հաղորդում ներկայացրել ոստիկանապետի դեմ»: Այս փաստից եւս, մենք կարող ենք ենթադրել, որ վերջինս ծառայություն է մատուցում ոստիկանապետի ժպ-ին: Որովհետեւ Գառնիկ Մուրադյանը, շփոթված այնքան մարդու է դիմում իր հարցերով զբաղվելու՝ առանց հասկանալու, որ ում որ դիմում է. հնարավոր է , որ նաեւ մեզ հետ անձնական կամ աշխատանքային հարաբերություններ ունենան:

-Տիկին Զեյնալյան, ոստիկանապետի ժպ-ն հարցաքննվել է ՞ սույն գործի շրջանակներում:

-Իմ ունեցած տեղեկություններով դեռ ոչ, որովհետեւ այս պահին քննչական գործողություններ են ընթանում տուժողների հետ: Պաշտանական կողմից ներկայացվում են իրեղեն ապացույցներ:

Ն.ԱԴԱՄՅԱՆ 

NewsMedia.am

Լուրեր  Հայաստանից եւ աշխարհից