Իշխանությունները հասկացրեցին՝ ավելին մեզնից չսպասեք, էլ փող չունենք ձեզ բաժանենք, ինչ էլ օգնություն ենք ստացել, այլ նպատակների համար է

ԼՐԱԳՐՈՂ ԹԱԳՈՒՀԻ ԱՍԼԱՆՅԱՆԸ ՖԲ ԻՐ ԷՋՈՒՄ ԳՐԵԼ Է 

Բայց եթե սթափ. հնարավոր է այս առեղծվածային վարակը մեկ տարի շարունակի հարաբերվել մարդկության հետ, իսկ որևէ պետություն այդպիսի ներուժ չունի տնտեսությունը ջրի երեսին պահելու համար, եթե չաշխատեն տնտեսական օբյեկտները, սուբյեկտները: Հետևաբար երկու ամիս պարապուրդից հետո աշխատատեղերը մարդկանց հասանելի դարձնելը երկիրը տնտեսական ավելի լուրջ կոլապսից զերծ պահելու քայլ է, մարդիկ աշխատանքի գնալու համար պիտի կարողանան հասարակական տրանսպորտից օգտվել, ինչի համար նման որոշում է կայացվել, որպեսզի տաքսիների վրա գումարներ չծախսեն, կամ զրկվեն աշխատանքից, աշխատավարձից: Իշխանությունները հասկացրեցին՝ ավելին մեզնից չսպասեք, էլ փող չունենք ձեզ բաժանենք, ինչ էլ օգնություն ենք ստացել, այլ նպատակների համար է: Եվ դեռ պետության առաջ խնդիր կա տուրիզմի ոլորտի համար ապահովել կենսունակություն, քանի որ, որքան հասկացա այդ ոլորտն առնվազն մեկ տարի չի կարողանալու ախատել, հասույթ ապահովել ու պետությունը պիտի կանխի տուրիզմի սննկացումը, մանավանդ փոքր ու միջիններինը: Հետևաբար մարդիկ պիտի բնականոն կյանք վերադառնան ու աշխատեն: Իսկ տնտեսվարողներին էլ պարտավորեցրել են իրենց հերթին անվտանգության պահանջները պահպանել, հակառակ դեպքում տուգանում և օբյեկտը փակում են: Մի քանի խանութ փակել են, բայց ասեմ ասյօր Մալաթիայի Սիթիից առանց դիմակ առևտուր ենք արել: Ես չեմ կարող ասել կորոնավիրուսն ում շունն է,մտերիմներիցս որևէ մեկը չի հիվանդացել, համենայն դեպս բանը թոքաբորբի ու տեստ հանձնելուն չի հասել և չենք իմացել՝ որևէ մեկը կորոնայով վարակվել է, թե ոչ: Նաև արտասահմանում վարակված ծանոթներ չունեմ, հետևաբար ոչ կարող եմ հերքել բազմաթիվ հակասական պնդումները, ոչ հաստատել, հետևաբար եթե չգիտես, լավ է զգուշանալը, իսկ դիմակ կրելը երևի այդ նախապայմաններից մեկն է, վարակից քիչ թե շատ պաշտպանվելու հանրային վայրերում, չնայած միայն դիմակը չի փրկի միանշանակ, քանի որ հիվանդությունը նաև ձեռքերով է փոխանցվում: Ուրեմն պիտի ալկոգելերով պտտվենք ու հինգ րոպեն մեկ ինքնամաքրվենք: Բայց դե: Այլ հարց է, որ 250_300 դրամանոց դիմակները, որոնք պարտադիր կրելու պահանջի դեպքում կարող են թանկանալ, շատերին հասանելի չեն լինի, ինչպես տաքսիները հասանելի չէին: Մարդը, որը պետք է տանից դուրս գա օրինակ ութ ժամով, պետք է երկու, երեք դիմակ փոխի օրվա մեջ, իսկ դա արդեն 400_600 դրամ է միջինում արժենալու, այսինքն շաբաթական մինչև ամենաշատը 4000 դրամ գումար է պետք տրամադրել դմակներին, ամսական՝ 15000 դրամ մոտավոր, բանասերի թվաբանությամբ)), իսկ ցածր աշխատավարձով քաղաքացիների համար դա զգալի գումար է: Գուցե հնարավոր է այդպիսի մարդկանց դիմակներով ապահովել գործատուի կամ պարետի նախաձեռնությամբ: Այլապես այդպիսի մարդկանց տուգանելը տմարդիություն է, դմակի գումար չունեն, տուգանքն ինչպե՞ս մուծեն: Մեկ այլ խնդիր էլ կա, որին անձամբ ես եմ առնչվել ու չգիտեմ ինչ եմ անելու: Դիմակ կրելիս թթվածնային քաղց եմ ունենում, գլխապտույտ,արագ սրտխփոց ու չեմ վարժվում այդ դիմակներին, դիմակի վրա էլ անցքեր անելն անիմաստ է: Ուշագնաց լինել էլ չեմ պատրաստվում: Բայց երևի դրանք եզակի դեպքեր են:
Մի խոսքով, կարծում եմ մենք այլ տարբերակ չունենք, կյանքն այլևս անհնար է կանգնեցնել և անիմաստ, քանի որ այդպես էլ վարակմա դեպքերը վերահսկելի չդարձան, հակառակը՝ երկրաչափական պրոգրեսիայով աճեցին ու հասկացանք, որ Բելառուսի նախագահը տեսած մուժիկ է, տնտեսությունը քամել նույնպես չենք կարող, իսկ յուրաքանչյուրիս առողջությունն առաջինը մեզ համար պետք է կարևոր լինի ու բանը տուգանքի չհասցնենք:
Մանավանդ որ վստահ եմ, ինչպես նախորդ միջոցառումները, սա ևս ապաշնորհ ձևով է կյանքի կոչվելու, վերահսկողություն առանձնապես չի լինելու, պատկան մարմինները հնարավորինս անհողդողդ են մնալու մեր ահազանգերին, այնպես որ յուրաքանչյուրդ ինքներդ մտածեք ձեր առողջության մասին, առողջ եղեք և հույսներդ ձեզ վրա դրեք, դիմացինի վրա մի դրեք, առավել ևս տեսանք անպատասխանատու մարդիկ շատ կան: