Սոֆյա Հովսեփյանը՝Լանսարոտեի կոնվենցիայի հնարավոր վտանգների, ՀՀ գլխավոր դատախազի, եւ Շիրակի մարզի դատախազի գործունեության մասին

Նախորդ շաբաթ, ԱԺ-ն հրատապ կարգով, համավարակի պայմաններում վավերացրեց խնդրահարույց «Սեռական շահագործումից և սեռական բնույթի բռնություններից երեխաների պաշտպանության մասին» Եվրոպայի խորհրդի կոնվենցիան: Նշենք, որ Հայաստանի Հանրապետությունը կոնվենցիան ստորագրել էր 2010թ. սեպտեմբերի 29-ին, բայց մինչ օրս այն չէր վավերացրել:

Եթե հանկարծ նման ծրագիր փորձի ներդրվել, բնականաբար կկանխվի եւ առաջ չի գնա. Իմ քայլը» խմբակցության պատգամավորը «Լանզարոտեի» կոնվեցիայի մասին

Կոնվեցիայի վավերացման քվերակությանը չի մասնակցել «Իմ քայլը» խմբակցության պատգամավոր ՍՈՖՅԱ ՀՈՎՍԵՓՅԱՆԸ, ինչո՞ւ, որովհետեւ իր կարծիքն էլ է առանձնանում իր խմբակցության գործընկերների կարծիքից, թե՞ խնդիրը կոնվենցիայի խութերի մեջ է,- NEWSMEDIA.am-ը այս եւ այլ հարցերի պատասխանը փորեց լսել տիկին Հովսեփյանից, ով նախապես ասաց, որ շատ զբաղված է եւ, որ հարցերին երկար պատասխանել չի կարող, ապա անդրադառնալով կոնվեցիային ասաց.

-«Սեռական շահագործումից և սեռական բնույթի բռնություններից երեխաների պաշտպանության մասին» Եվրոպայի խորհրդի կոնվենցիայի վերաբերյալ իմ մտահոգությունը՝ վերաբերում է 6-րդ դրույթին, որտեղ տարրական եւ ավագ դպրոցներում պետք է սեռական դաստիարակություն դասավանդվի: Գիտեք, որ այս պահին ԱԺ-ում պատգամավորների եջ փորձագետների աշխատանքային խումբ է ձեւավորվել: Աշխատանքային խումբը ամբողջությամբ պետք է ներգրավված լինի այդ չափորոշիչների եւ ծրագրերի վերամշակման գործընթացին, ուղղակիորեն կանխելու այդ դրույթը: Եթե հանկարծ նման ծրագիր փորձի ներդրվել, բնականաբար կկանխվի եւ առաջ չի գնա: Նախարարության հետ մենք այդ համաձայնությունը ձեռք ենք բերել, այնտեղ էլ որեւէ առարկություն չունեն: Սպասենք տարեկան հաշվետությանը. «Գլխավոր դատախազի պաշտոնավարման մասին

-Տիկին Հովսեփյան, Դուք չէիք մասնակցում քվերարկությանը. դա պատահանությունն է՞ր, թե՞ կոնկրետ այդ կերպ փորձել եք Ձեր դիրքորոշումը հայտնել:

-Չեմ մասնակցել, հենց դրա համար, որպեսզի չքվերարկեմ կոնվեցիայի վավերացմանը: Կներեք, զբաղված եմ:

-Մի հարց էլ տիկին Հովսեփյան, ասում են, որ հաշվի առնելով հանրաքվե անցկացնելու այ պահի անհնարինությունը` իշխանությունները որոշել են ՍԴ-ի հարցը լուծել ԱԺ-ում: Հետաքրքիր է, իսկ ՀՀ գլխավոր դատախազի պաշտոնավարման հարցը չի՞ քննարկվում խմբակցությունում` հաշվի առնելով, որ նախկին ըննդիմադիր Նիկոլ Փաշինյանը մեկ անգամ չէ, որ իր անհամաձայնությունն է հայտնել Գլխավոր դատախազին:

-Այս պահին որեւէ հարց չի քննարկվել, ես չեմ անդրադարձել այդ հարցին: Չեմ էլ ֆիքսվել այդ ոլորտի վրա. որովհետեւ կարծում եմ, որ այդ հարցերին համապատասխան հանձնաժողովները պետք է քննարկեն: Այն առումով ինձ հետ հարցը չի առնչվում, որքանով որ չեմ հասցնում իրենց հետ առնչվել, եւ չեմ կարող այս պահին կարծիք հայտնել:Սպասենք տարեկան հաշվետությանը, այս պահին դատախազի հետ կապված հարց չի քննարկվում:

Մի ամբողջ Անի համայնքի ղեկավարի կատարած հանցագործությունները, մինչեւ այսօր մնացել են իրենց տեղում

-Տիկին Հովսեփյան, Դուք գուցե չեք առնչվում, բայց վստահ եմ տեղյակ եք, որ դժգոհություններ այսօր էլ կան թե՛ գլխավոր դատախազի, եւ թե՛ օրինակ Շիրակի մարզի դատախազի դատախազի գործունեությա հետ կապված:Սրա հետ կապված, ի՞նչ կասեք:

-Մեր մարզի դատախազի հետ կապված՝ ես խոսել եմ նաեւ ԱԺ-ում: Լիքը մանր գործեր են հարուցվում, բայց մի ամբողջ Անի համայնքի ղեկավարի կատարած հանցագործությունները, մինչեւ այսօր մնացել են իրենց տեղում: Այնպես որ մարզի դատախազը լրիվ այլ հարց է, կարծում եմ, որ չպետք է այն ընդհանրացնել մի ամբողջ դատախազական համակարգի հետ:

NewsMedia.am 

Լուրեր  Հայաստանից եւ աշխարհից