«Հայրենիքի մասին խոսելիս՝ մենք պարտավոր ենք մի բան լավ հիշել. ուր էլ տանի մեզ ճանապարհը՝վտանգի պահին պետք է համախմբվենք».Մանվել Եղիազարյան

Մայիսը մեր ժողովրդի համար խորհրդանշական ամիս է, համազգային մաքառման, պայքարի ու փառահեղ հաղթանակների ամիս: Ավարայր, Սարդարապատ, Շուշի` մայիսյան երեք գոյամարտեր, որոնք բախտորոշ եղան մեր ժողովրդի համար:
Վերհիշելով հայ ժողովրդի փառահեղ հաղթանակները, «Արաբո» ջոկատի հրամանատար Մանվել Եղիազարյանը NEWSMEDIA.am-ի հետ զրույցում փաստեց.

-Մայիս ամիսը մեզ համար եղել է միշտ կայացման, առաջընթացի, հոգեկան բավականության ամիս: Իսկ Սարդարապատի ճակատամարտը` դա այսպես ասած, հոգեվարքի մեջ գտնվող ժողովրդի հուժկու եւ սթափեցնող հարվածն էր: Հայ ազգը արել է հնարավոր ամեն ինչ` միայն թե փրկվենք եւ փառք Աստծո…հաղթել ենք: Եւ այսօր, մենք այն ժողովուրդն ենք, որ այլեւս իրավունք չունենք պայքարել միայն փրկվելու համար.մենք պետք է պայքարենք ապրելու համար: Աշխարհին ցույց տալու համար, թե ինչպիսին կարող է լինել հայ մարդը, հայ քաղաքացին: Այսօր, ցավոքսրտի մեր հաղթանակները նախկինի նման չեն արժեւորվում. տպավորություն է, որ մենք մեր հաղթանակները նետել ենք մի կողմ:

Պատերազմ անցած ազատամարտիկի խոսքով.

-Ըստ Ձեզ, ինչո՞ւ է  այսօր մեծացել  ատելության, թշնամանքի մթոնոլորտը. որովհետեւ միայն պատերազմ անցած մարդիկ, ովքեր ներդրում են ունեցել մեր հայրենիքի կայացման գործում՝ քիչ թե շատ գովեստի կարիք ունեն: Իսկ  մենք, ցավոք այսօր  ոչ միայն չենք գովում ազատամարտի ճանապարհով անցածներին, այլ արհամարում ենք. ինչն էլ ստեղծում է նման տհաճ մթնոլորտ:
Բայց դա էլ մեզ չի վախեցնում, որովհետեւ մենք պարտավոր ենք հայրենիքի մասին խոսելիս մի բան լավ հիշել. ուր էլ գնանք, ուր էլ  տանի մեզ ճակատագիրը` վտանգի պահին, վերջին վարկյանին պարտավորենք համախմբվել: Ես էն 15-20 տոկոսի մասին չեմ խոսում, ովքեր անգամ վտանգի ժամանակ կարող են փախնել, դրանից պետք չի հուսահատվել, նմանները միշտ էլ եղել են աշխարհի պատմության մեջ: Ովքեր փախել են, ովքեր թալանել են…Վտանգի պահին պետք է ամեն ինչ մոռանալ, բոլորս պետք է զինվոր դառնանք:

NewsMedia.am 

Լուրեր  Հայաստանից եւ աշխարհից