«Լիահույս եմ, որ հայ ժողովրդի ներքին մղումը՝ երեխաների պաշտանմունքը, կհաղթի բոլոր տեսակի մարտահրավերներին». ԿԱՐԻՆԵ ՆԱԼՉԱՋՅԱՆ

Այս օրը՝ հունիսի 1-ը նշանավորվում է ոչ միայն իբրև ամռան առաջին օրը, այլև երխաների պաշտպանության միջազգային օրը: Այս տոնը ամենահին միջազգային տոներից մեկն է:

Երեխաների պաշտպանության միջազգային օրը սահմանվել է դեռևս 1925 թվականին` Ժնևում երեխաներիպաշտպանության համար հրավիրված համաշխարհային կոնֆերանսի ընթացքում: Երեխաների իրավունքների պաշտպանությանը վերաբերող բազմաթիվ միջազգային փաստաթղթեր են ստորագրվել, որոնց թվում են 1959թ. ՄԱԿ-ի Գլխավոր ասամբլեայի կողմից ընդունված Երեխայի իրավունքների հռչակագիրն ու 1989թ. Երեխաների իրավունքների մասին կոնվենցիան, որով, ըստ էության, երեխաները համարվեցին հատուկ խոցելի խումբ:

Ինչպե՞ս. արտկարգ դրության պայմաններում կազմակերպել երեխաների տոնը, երբ սահմանափակ են հնարավորությունները. թե՛ շփման, թե՛ ժամանցի վայրերի առումով, առհասարակ, որքանո՞վ են այսօր պաշտպանված մեր փոքրիկները Newsmedia.am-ը այս եւ այլ հարցերի շուրջ զրուցեց հայտնի հոգեբան ԿԱՐԻՆԵ ՆԱԼՉԱՋՅԱՆԻ ՀԵՏ, ով նախ նկատեց.

-Ինչպես մեծահասակներս, երեխաները նույնպես՝ այսօր ապրում են բարդ ժամանակներ: Երեխաներն այս պայմաններում լիրաժեք չեն կարողանում վայելել իրենց մանկությունը՝ առանց դպրոց գնալու, առանց ժամանցի վայրեր հաճախելու: Երեխաների կյանքի բնականոն ընթացքը՝ խեղաթյուրված է: Եթե հասուն մարդն է ծանր տանում նման կտրուկ կենսաոճի փոփոխությունը, պատերացրեք՝ թե ինչքան ծանր է այս իրավիճակը երեխաների համար:
Ես երբեք այսքան տագնապած չեմ եղել երեխաների համար՝ ոչ միայն կորոնավիրուսի հետ կապված, այլեւ առհասարակ հաշվի առնելով վերջին շրջանի իրադարձությունները: Մի տեսակ կարմիր թելի նման գնում է երեխաների թիրախավորված լինելը: Այս ի՞նչ կոնվեցիաներ ենք վավերացնում, այս ի՞նչ ենք պարաստվում անել երեխաների կյանքում, այս ի՞նչ էր ենք անում ընտանիքների հետ կապված: Մի՛ արեք, մի՛ վտանգեք երեխաների մանկությունը, երեխաների բնականոն կրթվելու իրավունքը, ձեռքներդ հեռո՛ւ երեխաներից: Հայ ժողովուրդը երեխաների պաշտանմունք ունի, եւ թույլ չի տա, որ անցնենք սահմանը:
Այնուամենայնիվ այս օրը տոնական է, եւ ես օգտվելով առիթից ուզում եմ շնորհավորել բոլոր երեխաներին, իմ ողջ ջերմությունն եմ ուզում հղել մեր փոքրկիներին: Ես լիահույս եմ, որ հայ ժողովրդի ներքին մղումը՝ երեխաների պաշտանմունքը, կհաղթի բոլոր տեսակի մարտահրավերներին: Շնորհավոր Ձեր տոնը՝ փոքրիկներ: 

NewsMedia.am 

Լուրեր Հայաստանից եւ աշխարհից