Մենք այստեղ կռվում ենք այն հողի համար, որը մեր հայրենինքն է, որտեղ ապրել և արյուն են թափել մեր հայրերն ու նախնիները...Իլոնա Ազարյան

Լրագրող Իլոնա Ազարյանը, ով  արցախյան այս դաժան գոյամարտի առաջին իսկ օրերից իր մասնագիտական առաքելությունն է իրականացրել Արցախում, ՖԲ իր էջում բարձրաձայնել է օրվա հրամայականի մասին.՛

Չափազանց դժվար է լրագրողների համար այս օրերին լուսաբանել այն ինչ իրականում կատարվում է հայրենի Արցախում, որովհետեւ երբեմն էմոցիաներն ու հույզերը խառնվում են իրար, բայց նույն պահին գիտակցում ենք, որ միեւնույն է ՀԱՂԹԵԼՈՒ ԵՆՔ, ու անմիջապես հաղթանակի գիտակցումը ճնշում է էմոցիաներին …
Սեպտեմբերի 27-ից Արցախում վերսկսված լայնածավալ ռազմական գործողությունների ընթացքում իրենց մասնագիտական գործունեությունն իրականացնող հայ և արտասահմանցի 4 լրագրողներ են վիրավորվել, ոմանք էլ հազիվ են կարողացել պատսպարվել հրետակոծություններից։ Նրանցից մեկի՝ Ֆրանսիական «Լը Մոնդ» պարբերականի լրագրողը լուրջ վնասվածք էր ստացել Մարտունիում տեղի ունեցած հրետակոծության հետևանքով։ Բժիշկներին դժվարությամբ հաջողվեց փրկել նրա կյանքը;
Ինքս, որպես Արցախում տեղի ունեցած ավերածությունների ականատես լրագրող զարմացած ու շփոթված եմ, թե ինչու միջազգային հանրությունը կանխող որեւէ քայլ չի անում, երբ արդեն բազմաթիվ քաղաքացիական անձիք են սպանվել, հազարից ավել հերոսներ են նահատակվել, լրագրողներ են սպանվել:
Ու գիտեք, կապ չունի՝ միջազգային հանրությունը ինչ շահեր ունի ցեղասպան Թուրքիայի կամ Ադրբեջանի հետ: Դուք ուղղակի պարտավոր եք միջամտել՝ դիվանագիտական, քաղաքական կամ այլ ճանապարհով:
Մենք այստեղ կռվում ենք այն հողի համար, որը մեր հայրենինքն, որտեղ ապրել և արյուն են թափել մեր հայրերն ու նախնիները։ Այնպես, որ այս պատերազմը մեզ համար շատ անձնական է ու մենք պայքարելու ենք մինչեւ վերջ, մինչեւ վերջնական հաղթանակ՝ անկախ ամեն ինչից...