Ղազախստանի հայ համայնքը եւ Թումասյանների ընտանիքը՝ Պատերազմի առաջին իսկ ժամերից, արցախահայությանն ու հայ զինվորին շարունակում են աջակից ու զորավիգ լինել

Երկիրն էլ մեր բոլորիս ընտանիքն է. ու պիտի կարողանանք ԲՈԼՈՐՍ ՄԻԱՍԻՆ ՈՒ ՄԻԱԲԱՆ ՏԱՆԵԼ ՄԵՐ ԽԱՉԸ..

ԲՈԼՈՐՍ ՄԻԱՍԻՆ շատ ավելին ունենք, քան կարծում ենք: Որքան էլ տարբեր կողմերից նայենք, մեկ է` մեր նպատակները նույնանում են, երբ ասում ենք հայրենիք, Հայաստան, Արցախ, Սփյուռք, խաղաղություն…

Հայ ժողովուրդը շարունակում է ապրել իր պատմության բարդագույն ու ցավալի էջերից մեկը:

2020 թ. սեպտեմբերի 27-ին Ադրբեջանի սանձազերծած չարաբաստիկ պատերազմը, խոր վերքեր է թողել յուրաքանչյուրիս հոգում: Թշնամու ագրեսիան կասեցնելիս նահատակվեցին մեր ժողովրդի հազարավոր զավակներ՝ իրենց զոհաբերությամբ խափանելով Արցախն ամբողջովին հայաթափելու հրեշավոր ծրագիրը: Այս պատերազմի ընթացքում հայ զինվորը կռվեց Ադրբեջանի, Թուրքիայի և միջազգային ահաբեկչության միացյալ ուժերի դեմ:

Իսկ այդ ահաբեկչության դեմ անձնուրաց մարտնչեց հայ զինվորը՝ հանուն մարդկության, հանուն քրիստոնյայի, հանուն մեր լինելիության:
Հայ ԶԻՆՎՈՐԸ, ծանրագույն մարտերի ընթացքում զոհաբերելով իր կյանքը, կորցնելով իր առողջությունը, ստիպված եղավ  թողնել հայրենիքի մի մասը, բայց  ՈՉ ՄԻ ԴԵՊՔՈՒՄ ՉՍԱԿԱՐԿԵՑ ԻՐ ՊԱՏԻՎՆ ՈՒ ԱՐԺԱՆԱՊԱՏՎՈՒԹՅՈՒՆԸ: Հայ ԶԻՆՎՈՐՆ ԸՆԿԱՎ՝ՈՐ ԱՊՐԻ ՀԱՅԸ, որ ԱՊՐԻ ՍԵՐՈՒՆԴԸ:

Արցախը վիրավոր է, սակայն Արցախը կա՛ և Արցախը լինելու՛ է: Կորստի վիշտը բոլորինս է, բոլորինս է նաև մեր գործը շարունակելու պարտքը: Եւ այդ գիտակցումով էլ, Ամանորին ընդհառաջ Արեւելյան  Ղազախաստանի հայ համայնքի,(Восточно-Казахстанская область)  ինչպես նաեւ Թումասյանների ընտանիքի անմիջական մասնկացությամբ Ամանորի նախաշեմին այց կազմակերպեցինք Արցախյան գոյամարտում ծանր վիրավորում ստացած մեր ՀԵՐՈՍ ՏՂԱՆԵՐԻՆ, ովքեր միշտ արժանի են ուշադրության, մեծարանքի ու գնահատանքի:

Դեկտեմբերի 23-ին, պատիվ ունեցանք ԱՅՑԵԼԵԼՈՒ ԼՈՒՍԱՎՈՐ ու ԱՆՊԱՐՏԵԼԻ, ՄԵՐ ՀԵՐՈՍ ԱՐԱՄԻՆ,  ՈՒՄ ՈԳԻՆ,  ԿԱՄՔԸ ՔԱՐԻՑ ԷԼ ԱՄՈՒՐ Է, ԱՆԿՈՏՐՈՒՄ....

Արամը, ում ԱՄԵՆ ՄԻ ԽՈՍՔԸ, ՄՏԱԾՄՈՒՆՔԸ ԾՈՎ ՀԱՅՐԵՆԱՍԻՐՈՒԹՅԱՆ , ՎԵՀՈՒԹՅԱՆ ՈՒ ԱՆՁՆՈՒՐԱՑՈՒԹՅԱՆ ԴՐՍԵւՈՐՈՒՄ Է,   ՀՀ Արարատի մարզի Մարմարաշեն համայնքից Է...

Պատերազմի ժամանակ կորցրել է երկու ոտքերը, սակայն ՈԳԻՆ ՏՈԿՈՒՆ Է, ՈՒ ԱՆՀԱՂԹ: 

Նշենք, որ մեր այցի ժամանակ, Ղազախստանի հայ համայնքի կողմից մեր ՀԵՐՈՍԻՆ տրվեց դրամական խոշոր օգնություն, ինչպես նաեւ հնչեցին շնորհակալության ու մեծարանքի խոսքեր՝ուղղված ՄԵՐ ՀԵՐՈՍԻՆ ԵՒ ՄԵՐ ԲՈԼՈՐ ԱՅՆ ՏՂԱՆԵՐԻՆ, որ հանուն հայրենիքը չեն խնայել  ամենաթանկը...

Թումասյանների ընտանիքի ներկայացուցիչ Արտակ Թումասյանն էլ  իր հերթին նշեց, որ այն ինչ արել են մեր Տղաները ռազմի դաշտում՝ անբացատրելի  ու անգնահատելի է, նշելով որ մեր ՏՂԱՆԵՐԻ ՔԱՋՈՒԹՅՈՒՆՆ ՈՒ ԽԻԶԱԽՈՒԹՅՈՒՆԸ անչափելի է, իսկ նրանց ՍԽՐԱՆՔԸ ՊԱՐՏԱՎՈՐԵՑՆՈՂ ՈՒ ՄԻՇՏ ՇՆՈՐՀԱԿԱԼՈՒԹՅԱՆ ԱՐԺԱՆԻ:

Իսկ Տեր Շահե քահանա Հայրապետյան  էլ, ով ՄԵՐ ՀԵՐՈՍԻՆ ԲԵՐԵԼ էր ԻՐ ՕՐՀՆՈՒԹՅՈՒՆՆ ՈՒ ՍԵՐԸ, ԱՂՈԹՔ ՀՆՉԵՑՐԵՑ ԱՌ ԱՍՏՎԱԾ՝ հանուն ԶԻՆՎՈՐԻ, հանուն խաղաղության, ազգի, պաշտպանության, բոլորիս համար, այնուհետեւ խոսքն ուղղելով ներկաներին  նշեց, որ Առաքելական մեր Սուրբ Եկեղեցու հոգևորականները նույնպես մարտնչող մեր զինվորների կողքին են՝ հավատքով զորացնելով ու քաջալերելով մեր հայրենյաց պաշտպաններին և աղոթելով, որ միշտ հաղթական լինի բազուկը հայ զինվորի:

Հ.Գ 

NewsMedia.am-ը ողջունում է Ղազախստանի հայ համայնքի եւ Թումասյանների ընտանիքի մարդասիրական քայլը՝ՀԱՆՈՒՆ ՀԱՅՐԵՆԻՔԻ, ՀԱՆՈՒՆ ՀԱՅ ԶԻՆՎՈՐԻ ու ՀԱՆՈՒՆ ՄԵՐ ՊԵՏՈՒԹՅԱՆ պատերազմի առաջին իսկ ժամերից,  արցախահայությանն ու հայ զինվորին աջակից  եւ զորավիգ լինելու համար: 

ՄԵՆՔ ՈՒԺԵՂ ԵՆՔ ՄԻԱՍԻՆ: ԲՈԼՈՐՍ ՄԻԱՍԻՆ շատ ավելին ունենք, քան կարծում ենք: Որքան էլ տարբեր կողմերից նայենք, մեկ է` մեր նպատակները նույնանում են, երբ ասում ենք հայրենիք, Հայաստան, Արցախ, Սփյուռք, խաղաղություն…

ՌԵՊՈՐՏԱԺԸ՝ ԱՆԻ ԳԵՒՈՐԳՅԱՆԻ 

ՏԵՍԱՆՅՈՒԹԵՐԸ՝շուտով...

NewsMedia.am

Լուրեր  Հայաստանից եւ աշխարհից