Մեղավոր են այն գեներալները, ովքեր գեներալից դարձան բիզնեսմեններ, ովքեր առաջին հերթին իրենց բիզնեսների մասին էին մտածում, նոր զինվորների․ Պատերազմը վերապրածի աչքերով

<<Մատաղիսի գունդը ոչ մի ձեւ պատրաստ չի եղել պատերազմի, անգամ զորքեր չի խմբավորել գնդապետ կոչեցյալը։ Պատերազմը սկսելուց ժամ քսան րոպե հետո Թալիշի դարպաս համարվող Գառնիի դիրքը ընկել է, որովհետեւ դիրքում եղել են ընդամենը 8 հոգի զինվոր, ինչքան որ սովորական պահպանության ժամանակ է լինում։ Մատաղիսի ուղղությամբ բառիս բուն իմաստով պահպաննությունից չեն անցել պաշտպանության>>,- <<Իրավունք TV>> -ի տաղավարում անդրադառնալով Մատաղիսի անկմանը, ասել կամավոր, պատարեզմի առաջին իսկ օրը ընկերների հետ ռազմաճակատ մեկնած Ավետիս Ավետիսյանը, ընդգծելով․

-Ով է եղել է Թալիշում լավ գիտի, թե Գառնիի բարձունքը ինչ կարեւոր նշանակության բարձունք է, որը ընդամենը 1․5 ժամում տրվեց թշնամուն։ Իսկ, երբ գալիս է ՄՈԲ-ը, կամավորները, էս գնդի հրամանատարը ոչ միայն չի տանում պաշտպանություն իրականացնելու, այլ շատերին պահում է զորամասում, գումարտակներում։ Իսկ ռազմաճակում այդ պահին թեժ մարտեր էր ընթանում։ Սեւակ Աբրահամյանի կողմից ոչ մի անհրաժեշտ քայլեր չի ձեռնարկել, ի տարբերություն Եղնիկների զորամասի հրամանատարի, որտեղ ի պատիվ զորամասի հրամանատարի համ քիչ զոհեր ունեցանք, համ տարածքային գրեթե կորուստ չունեցանք։

-Այսինքն Մատաղիսը նվիրաբերվե՞ց։

-Այո, անպատասխանատվության արդյունք է եղել՝ 320 հոգի մարդ է զոհվել Մատաղիսում, 250 վիրավոր, տասնյակ անհետ կորածներ։ Ու էսքանցի հետո վերոնշյալ անձին տանում դնում են ավելի բարձր պաշտոնի, այն դեպքում, երբ էս մարդն է կոնկրետ Մատասիսում տեղի ունեցածի առաջին մեղավորը, ով ճիշտ ժամանակին չի արել այն, ինչ պետք է աներ, այն ինչ արվել է Մարտունիում, Եղնիկներում։ Այն դեպքում, երբ ՊԲ ղեկավարը մի քանի օր առաջ իրեն զգուշացրել է, որ գնա զորքդ կարգի բեր, մի քանի օրից սկսվելու է պատերազմը։

-Ե՞րբ վերջնականապես ընկավ Մատաղիսը, որ օրը ընկավ։

-Հոկտեմբերի 2-ին։

-Ինչն՞ էր քեզ համար ամենադաժանը պատերազմի օրերին։

-Ամենադաժան դրվագը Մատաղիսի նահանջող զորքն էր, երբ տեսնում ես ոնց 1200 հոգանոց զորքը հուսահատ, արնաշաղաղ նահանջում, դրանից ճնշող բան չկա։ 

-Ավետիս, եթե քեզ վստահվեր 44-օրյա պատերազմը քննող դատավորի դերը, ո՞ւմ առաջինը կկանչեիր մեղադրյալի աթոռին։

-Չէի ստանձնի այդ դերը, հոգեբանորեն պատրաստ չեմ այդ դատավորի դերը ստանձնելուն։

-Ովքե՞ր են ըստ քեզ պատասխանատու այսօրվա համար։

-Իհարկե, 1994թվականից այս կողմ եղած բոլոր իշխանությունները, այն գեներալները, ովքեր գեներալից դարձան բիզնեսմեններ, ովքեր առաջին հերթին իրենց բիզնեսների մասին էին մտածում, նոր զինվորների։ Նրանք, ովքեր փողով գեներալի կոչումներ էին տալիս տարիներ շարունակ, նրանք ովքեր զորամասի հրամանատարներ էին նշանակում փողով, ոչ թե ըստ արժանվույն։ Մեղավորները նրանք են, ովքեր սխալ կադրային փոփոխությամբ բերեցին երկիրը հասցրեցին այս օրվան, մեղավոր են բոլորը։

Մանրամասները այստեղ։