Կառավարությունը ուզում է ավտոշուկայի ոլորտում մոնոպոլիա ստեղծել. Ում հագով է Փաշինյանի իշխանությունը նոր օրենք բլանդում

ՀՀ տարածքային կառավարման եւ ենթակառուցվածքների նախարարությունը որոշել է զբաղվել ավտոշուկայով: Մասնավորապես, առաջիկայում կսահմանվեն ավտոտրանսպորտային միջոցների շուկայի կազմակերպման համար անհրաժեշտ չափանիշներ: Ըստ նախարարության՝ դրանք պետք է համապատասխանեն տվյալ ոլորտում գործող միջազգային լավագույն փորձին, որպեսզի գրավիչ դառնա ԵՏՄ եւ այլ պետությունների քաղաքացիների համար ՀՀ տարածքում ավտոմեքենաների ձեռք բերման գործընթացը:

Այսպես, մեզ հայտնի դարձավ, որ ավտոմեքենաների շուկայի ընդհանուր տարածքի մակերեսը պետք է լինի առնվազն 50000 քմ, այդ թվում՝ փակ տարածքներինը՝ առնվազն 1000 քմ: Ավելին ավտոշուկան պետք է կահավորվի տեսախցիկներով: Շուկայի տարածքում կազմակերպիչը պետք է նախատեսի տարածքներ ճանապարհային ոստիկանության հաշվառման-քննական խմբի համար ավտոմեքենաների պետական հաշվառման գործընթացն իրականացնելու նպատակով:

Նաեւ տարածք պետք է հատկացվի մեքենաների համարանիշեր պատրաստող կազմակերպության համար, տրանսպորտային միջոցների ներմուծման եւ արտահանման գործընթացը կազմակերպող պետական եւ ոչ պետական մարմինների համար անհրաժեշտ ձեւակերպումները տեղում իրականացնելու նպատակով:

Վերը նշված օրենքը լրջագույն խնդիրներ եւ բազում հարցերի տեղիք է տվել ավտոմեքանների ներմուծմամբ եւ ներկրմամբ զբաղվող ՀՀ քաղաքացիների շրջանումը, ովքեր առաջիկայում պատրաստվում է բողոքի ակցիաների Կառավարության դիմաց: Թե, հատկապես ինչ խնդիրների մասին է խոսքը եւ, ում է ձեռնտու այս օրենքը, Կառավարության, որ սրտի ներդրող «խոպանչու» համար «Իրավունքը» փորձեցի հետաքրքրվել «Ավտովարորդների պաշտպանության լիգայի» նախագահ Տիգրան Հովհաննիսյանից, ով նախ փաստեց.

-Միանգամից Ձեզ պատասխանեմ, որ շուտով ավտոներկրողներով հավաքվելու ենք Կառավարության դիմաց բարձրաձայնելու մեր բողոքի ձայնը, թե ինչու ՀՀ ավտոներկրողները տեղյակ չեն եղել այդ նոր մշակվող կարգին: Այսինքն, եթե  Տարածքային կառավարման եւ ենթակառուցվածքների նախարարությունում ինչ-որ օրենք են մշակում` առաջինը պետք է կանչեն ավտոներկրողներին, աշխատավոր ուշին, բանվորին եւ հարց տան` գո՞հ ենք, թե՞ գոհ չենք այն ավտոշուկաների պայմաններից, որտեղ կանգնում ենք: Բացատրեն մեզ, որ ինչ պայմաններ, նորմատիվներ են գործում միջազգային ավտոշուկաներում, եւ հարցնեն, արդյո՞ք ՀՀ-ում գործողները համապատասխանում են այդ նորմատիվներին: Մեզ լսելուց հետո միայն կարող էին իրենց փոփոխությունները կյանքի կոչել: Բայց մեզ` ներկրողներից ոչինչ չտեղեկացնելով, որոշել են բանվորներին տանեն ու դնեն ինչ-որ մի օլիգարխի, այսպես ասած, «կռիշի» տակ: Ու ինչպես միշտ աշխատավոր քաղաքացիներին ենթարկեցնեն ինչ-որ կոնկրետ անձի, տնտեսվարողի, օլիգարխի: Մենք դեմ ենք դրան, մենք պահանջելու ենք այդ կարգը նորից մեզ հետ, մեր վերահսկողության ներքո, մեր` աշխատավոր, քրտնող մարդկանց անմիջական մասնակցությամբ քննարկեն եւ նոր կարգը սահմաննել: Մենք դեմ չենք փոփոխություններին, ես գիտեմ, որ մեր գործող ավտոշուկաներն էլ պատրաստ են նոր փոփոխությունների, բայց ամեն ինչ պետք է լինի ժողովրդավարությանը համապատասխան:

Թե չէ Կառավարությունը, փաստորեն ուզում է այս շուկայում մոնոպոլիա ստեղծի, որը մենք, նորից եմ կրկնում աշխատավոր ժողովուրդս` թույլ չենք տալու:

-Պարոն Հովհաննիսյան, այսօր Էրեբունի համայնքի վերջնամասում գործող ավտոշուկաններ, ըստ Ձեզ, համապատասխանո՞ւմ են միջազգային նորմատիվներին, որոնց մասին հիշատակվում է կառավարության նոր սահմանած կարգում:

-Գիտեք, Էրեբունիում կա մոտ տասը տարբեր տարածքներ, կտոր-կտոր հողամասեր են եւ ես չգիտեմ, թե նրանցից, ովքեր ինչ պայմաններ են տրամադրում: Բացառությամբ նույն հատվածում գործող մի ավտոշուկայի, որի սեփականատերերը ոլորտի  երկու գլխավոր եւ խոշոր խաղաղացողներն են` Նաիրա եւ Շահեն Ավետիսյանները, եւ միայն նրանցն է համապատասխանում մոտավորապես հինգ հեկտարի: Եվ ես վստահ եմ, որ եթե պայմաններ թելադրրի օրենքը նրանք կյատարեն, որովհետեւ մշտապես գործել են ի շահ ավտոներկրողների: Իսկ մնացած 8-9 ավտոշուկաները հողակտորներ են, որոնք, բնականաբար, չունեն այդ տարածքը:

Զրույցը` ԻԼՈՆԱ ԱԶԱՐՅԱՆԻ

Iravunk.com