ՏԵՍԱՆՅՈՒԹ. Թուղթ ու գրի ավելի քան 140 տարածված տեսակ կա, որը այս պահին օգտագործվում է ՀՀ-ում. Հայտնի էքստրասենս-շամանը բացահայտում է, թե ովքեր են զբաղվում սեւ մոգությամբ

«Անեծքը հավասարազոր է թուղթ ու գրին, անեծքը կարող է 15 պորտով փոխանցվել: Իսկ թուղթ ու գրի ավելի քան 140 տարածված տեսակ կա, որը ներկա պահին ՀՀ-ում օգտագործվում է: Թուղթ ու գիրը ազդում է մարդկանց էներգետիկ դաշտի վրա, սեւ մոգերը կարողանում գտնել մարդու թույլ կողմը եւ դրա վրա ներազդել, դիպուկ «հարվածել» տվյալ անձի թույլ կողմին»-«Իրավունք TV»-ի եթերում անդրադառնալով ՀՀ-ում տարածված սեւ մոգությանը եւ դրա աղետաբեր հետեւանքներին, ասել է Էքստրասենսների միջազգային մրցույթի դափնեկիր, էքստրասենս-շաման ԱՐՄԱՆ ԱՅՎԱԶՅԱՆԸ:

-Ասում են թուղթ ու գրի վարպետությանը տիրապետում են հիմնականում դժբախտ մարդիկ, այդպե՞ս է:

-Այո, հիմնականում դրանով են զբաղվում նախանձ, չար մարդիկ, ովքեր կյանքի ինչ-որ փուլում եղել են դժբախտ:

Տեսեք, ինչ է իրենցից ներկայացնում առհասարակ թուղթ ու գիրը,  բառը ինքնին հին ասորենից թարգամանաբար նշանակում է խաչմերուկ: Այսինքն սեւ մոգերը հատուկ ծիսակարգերի միջոցով, պոտենցիալ «զոհին» գցում են մի խաչմերուկ, որտեղ մարդը չկարողանա կողմնորոշվել, թե ինչպես շարժվել Ա կետից Բ կետը, որովհետեւ մարդը էներգետիկ առումով գտնվում է փակուղում, որի վրա անընդհատ ազդում են չար ուժերը:

-Արման, ինչքա՞ն ժամանակ է պետք է ձերբազատվելու թուղթ ու գիր ասվածից:

-Էներգետիկայի դաշտով մաքրման շրջանի առաջին էտապը տեւում է մոտավորապես տասնմեկից-տասնութ օր, իսկ երկրորդ` վերջնական էտապը, որից հետո մարդը իրեն կարող է լիարժեք չար ուժերից ձերբազատված զգալ` տեւում է 45 օր: Թուղթ ու գրից ձերբազատվելուց հետո տվյալ չար գործը փոխանցվում է անողին, այսինքն սեւ մոգն ինքն է ընկնում իր իսկ լարած լաբիրինթի մեջ: Էներգետիկան միշտ սեւ գործի պահպանումն է, ցանկացած թուղթ ու գիր հակադարձ ազդեցություն է թողնում: 

-Հնարավո՞ր է, թուղթ ու գրի միջոցով մահ արձանագրել:

-Միանշանակ, այո, մահ, չբերություն, պտղի անառողջ ծնունդ, ընտանեկան բաժանումներ: Ավելինմ այսօր բաժանումների մեծ մասը հենց սեւ մոգույան տարածման արդյունք են:

Ամբողջական զրույցը դիտեք առաջարկվող տեսանյութում