Արցախյան պատերազմից հետո մեր վերահսկողությունից դուրս են մնացել փաստացի օգտագործվող 2,207,812,821 խոր.մ ջրային պաշար.Բացառիկ տեղեկատվություն

2020թ.ից առաջ բո­լո­րին թվում էր, որ մեր օգ­տա­գործ­վող ջու­րը անս­պառ է եւ ան­վերջ, բայց Քար­վա­ճա­ռի ու Քա­շա­թա­ղի հանձ­նու­մից հե­տո սկսվե­ցին լուրջ խնդիր­ներ: Այժմ էլ կան լու­րեր, որ թշնա­մին փո­խում է ջրի հու­նը:

Ի՞նչ ռե­ալ ջրա­յին ռե­սուրս­նե­րի կո­րուստ­նե­րի մա­սին այ­սօր կա­րող ենք խո­սել, եւ ապա­գա­յում ի՞նչ վտան­գի կա­րող է վե­րած­վել: Այդ հար­ցի պա­տաս­խա­նը «Իրավունքը» փորձել է ստանալ

ԱՀ բնապահպանության կոմիտեի աշխատակազմի ջրային, կենսառեսուրսների, թափոնների և մթնոլորտ արտանետումների կառավարման գործակալության պետ Ա. Հարությունյանից, ով մեզ տեղեկացրեց բացառիկ տեղեկատվություն, որը ներկայացնում ենք ընթերցողին.

- Արցախյան պատերազմից հետո մեր վերահսկողությունից դուրս են մնացել Հագարի գետը, Վարանդա գետի մեծ մասը (մեր վերահսկողության տակ է միայն Կարմիր շուկա համայնքի տարածքով անցնող հատվածը, Թարթառ գետի մեծ մասը) մեր վերահսկողության տակ են Գետավան գյուղից մինչև Սարսանգի ջրամբարը ներառյալ` Խաչեն գետի մի մասը, վերոնշյալ գետերի միջին մեջության վտակներ` Լև, Թութխուն, Ծար, Որոտան, Աղավնո, Հոչանց և Շալուա, երկու անդրսահմանային գետեր` Ողջի և Ծավ, մեկ սահմանային գետ` Արաքս, մեկ միջին մեծության գետ իշխանագետը, ինչպես նաև Մատաղիսի ջրամբարը, Խաչենի ջրամբարը, Վարանդա 1, Վարանդա 2, Վարանդա 3 ջրամբարները:   

Հայտնում ենք, որ արդյունքում Արցախյան պատերազմից հետո մեր վերահսկողությունից դուրս են մնացել փաստացի օգտագործվող 2,207,812,821 խոր.մ ջրային պաշար:

Համեմատության համար ասենք, որ արդյունքում ունենք ԱՀ վերահսկողության տակ մնացած փաստացի օգտագործվող 431,084,979 խոր.մ ջրային պաշար:

ԻԼՈՆԱ ԱԶԱՐՅԱՆ

Iravunk.com