Ադրբեջանը շարունակում է վերջնագրերով խոսել, թե իբր մենք պատրաստ ենք, իսկ Ձեր պատրաստ լինել-չլինելը մեզ համար կարեւոր չի. ԱՀ ԱԺ պատգամավոր

«Այս լարվածության հիմնական նպատակը մեկն է` հայաթափել Արցախն ամբողջությամբ: Նրանք դա անում են ամենատարբեր պատճառներով հիմա ճանապարհի հարցն են դրել, թե իբր մենք պատրաստ ենք, իսկ Ձեր պատրաստ լինել-չլինելը մեզ համար կարեւոր չի:  Ադրբեջանը շարունակու է վերջնագրերով խոսել:Բայց սա մեզ համար նորություն չէ` Ադրբեջանը մշտապես վարել է էթնիկ զտումների, բռնատեղահանության քաղաքականություն, հետևողականորեն խախտելով Արցախի Հանրապետության քաղաքացիների կենսական շահերն ու իրավունքները։ Վերջին օրերի իրադարձությունները՝ զոհերի և վիրավորների առկայությունը մեկ անգամ ևս փաստում են, որ Ադրբեջանի կազմում խաղաղ գոյակցությունը Արցախի համար բացառված է։ Խաղաղությունը բարձրագույն արժեք է, սակայն խաղաղություն չի լինում ուժի սպառնալիքի տակ, մարդու իրավունքների ու արժանապատվության շարունակական ոտնահարմամբ»,-«Իրավունքի» հետ զրույցում ասաց Արցախի Հանրապետության խորհրդարանի «Ազատ հայրենիք» խմբակցության ղեկավար Արթուր Հարությունյանը, ընդգծելով.

-Ադրբեջանը այս քայլով փորձում է նաեւ աշխարհաքաղաքական հարցեր լուծել, փորձում է ստվեր գցել ռուսական խաղաղապահ առաքելության վրա եւ այդ համատեսքստում նոր պահանջներ ներկայացնել: Այս ամենով հանդերձ չեմ կարծում, որ լայնամաշտաբ ռազմական գործողությունների վերսկսման վտանգ կա, պարզապես Ադրբեջանը հանդիպումներից, պահանջներ ներկաայցնելուց առաջ նմանատիպ սադրանքներ է գործում` ուժի սպառնալիքի տակ որոշակի հարցեր առաջ բերելու եւ իրենց լուծումներ տալու համար:

-Այդ դեպքում ինչո՞վ էր պայմանավորված մասնակի զորահավաքը:

-Մասնակի զորահավաքը կապված է շփման գծում լարվածության հետ, որեւէ խուճապ չկա: Այս պահին էլ շնորհիվ ռուս խաղաղապահների շնորհիվ որեւէ մարտական գործողություններ չկան: 

-Իսկ Բերձորի եւ Աղավնոյի բնակիչների մասով որեւէ քաղաքական որոշում կա՞:

-Այս պահին չեմ կարող ասել, դեռեւս քննարկումների ընթացքում ենք:

Զրույցը` ԻԼՈՆԱ ԱԶԱՐՅԱՆԻ