«Փողոցին դեմ» արտահայտությունը ասելով՝ ի նկատի ունեմ որ միտինգներին, ցույցերին մենք չենք մասնակցում ընդհանրապես. մենք գործ ունենք անելու դիրքերում, եւ իրականում շատ մեծ անելիք ունենք ու պետք է անենք.Սարգիս Պողոսյան

Ժամեր առաջ, NewsMedia.am-ի հետ տեղի ունեցած զրույցում, (Տեսանյութում)«Խաչակիրներ» ջոկատի հրամանատար Սարգիս Պողոսյանը հայտարարել էր այն մասին , որ «Խաչակիրներ» Ռազմահայրենասիրական հասարակական կազմակերպության եւ Հայ խաչակիրներ ազատագրական շարժման միջեւ (որի հիմնադիրը գործարար Արթուր Ասատրյանն է ) ստորագրվել է ռազմահայրենասիրական ՀՈՒՇԱԳԻՐ, որի շրջանակներում կիրականացվեն աշխատանքներ՝ հանուն հայրենասիրական գաղափարների պահպանման, հանուն մեր սահմանների պաշտպանության եւ հանուն մեր երկրի բարօրության ու հանուն պետակաշինության:

Նույն զրույցի շրջանակներում, Սարգիս Պողոսյանը նշել էր նաեւ այն մասին, որ իրենք քաղաքականությանը չեն խառնվում, եւ որ որեւէ քաղաքական խմորումների ու ինտրիգների մեջ  չկան, հավելելով.

«Մենք քաղաքական կուսակցություն չենք, քաղաքական գործերի մեջ ներգրավված չենք, մեր գործը հայրենիքին սատար կանգնելն է, մեր սահմանների պաշտպանությամբ զբաղվելն է: Մենք դեմ ենք փողոցին, մեր պայքարը  դիրքերում է՝Տղերքի կողքին»:
Եւ քանի որ այս հայտարարության հետ կապված. («Մենք դեմ ենք փողոցին, մեր պայքարը  դիրքերում է, Տղերքի կողքին»)  մեր ընթերցողներից շատերը հարցադրում էին արել, թե ի՞նչ ասել է դեմ ենք փողոցին, եւ արդյո՞ք այս հայտարարությունը կարող է ունենալ այլ ենթատեքստ թե ոչ, պարզաբանման համար դիմեցինք «Խաչակիրներ» ջոկատի հրամանատար Ս. Պողոսյանին, ով NewsMedia.am-ի հետ զրույցում պատասխանեց.

-Հարգելի իմ հայ ժողովուրդ, «փողոցին դեմ» արտահայտությունը ասելով ի նկատի ունեմ, որ միտինգներին ցույցերին մենք չենք մասնակցում ընդհանրապես. մենք գործ ունենք անելու դիրքերում, սահմանին եւ իրականում շատ մեծ անելիք ունենք ու պետք է անենք: Մենք քաղաքականությանը չենք խառնվում:

Հիմա էլ եմ  պնդում.  այո՛ փողոցային պայքարում մենք չկանք:
Բայց մենք հարգանքով ենք վերաբերում մեր բոլոր քաղաքացիներին. բոլոր շերտերի ներկայացուցիչներին:

-Այդ թվում նաեւ հեղինակությունների՞ն օրինակ:

-Իհարկե, միմիայն հարգանքով: Այսօր եւ միշտ էլ, հեղինակություն ունեցող մարդիկ են կարողացել լուծել այնպիսի հարցեր, որտեղ շատ դեպքերում գուցեեւ պետական օղակները դանդաղել, կամ վերջին հաշվով չեն կարողացել այսպես ասած՝ դռներ բացել: Ինչի՞ մասին է խոսքը: