՛Մասնագիտությունը՝ պատգամավոր՛՛, կրոնը՝ տրանսկուսակցակա՞ն

lakmoes.am-ը գրում է.Արարատի և Վայոց Ձորի մարզերի առաջին ատյանի դատարանում շարունակվեց ԱԺ պատգամավոր Կարո Կարապետյանի կրակոցների գործով դատական նիստը: Խոսքը 2009թ. հոկտեմբերի 5-ին Երևան-Երասխ մայրուղու վրա տեղի ունեցած դեպքի մասին է, երբ պատգամավորը ծանր հրազենային վնասվածք էր հասցրել Ներքին Դվին գյուղի բնակիչ Արթուր Զադոյանին, բայց 5 տարի անց ինքն էր դարձել տուժող` մեքենայի բանալիով գլխին ստացած հարվածի պատճառով:

Ապրիլի 3-ին դատարանը հետազոտեց քրեական գործում առկա ապացույցները: Հրապարակվեցին գործով տուժող ճանաչված Կարո Կարապետյանի և ամբաստանյալ Արթուր Զադոյանի դատաբժշկական և դատակենսաբանական փորձաքննությունների եզրակացությունները: Դրանք պետք է լինեին ելակետային, բայց լղոզվածության, ոչ օբյեկտիվության տարրեր կային, ինչը սպասելի էր այս գլխիվայր շուռ եկած և տրամաբանության մեջ դեռ չտեղավորվող մեղադրանքից:

Մասնավորապես դատակենսաբանական փորձաքննությունը պետք է պարզեր, թե Ա. Զադոյանի գոտու, անդրավարտիքի, աջ կոշիկի և Մակարով տեսակի զենքի /որն իբր եղել էր նրա աջ գուլպայի մեջ, և որը իբր փորձել էր հանել և կրակել պատգամավորին/ վրա ու՞մ արյան հետքերն են՝ Կարո Կարապետյանի՞, թե՞ Արթուր Զադոյանի: Փորձագետը պատասխանել էր, որ դրանք պատկանում են արյան A խումբ ունեցող անձի և դա կարող է լինել և՛ Ա. Զադոյանինը, և՛ Կ. Կարապետյանինը:

Ա. Զադոյանի պաշտպան Սիմոն Ամիրխանյանն այս եզրակացության վերաբերյալ հայտարարություն արեց. հարցադրում հնչեցրեց, որ եթե Մակարով ատրճանակը Զադոյանինն է եղել և դեպքի պահին գտնվել է նրա աջ ոտքի գուլպայի մեջ, ինչպե՞ս է ստացվել, որ Զադոյանի անդրավարտիքի աջ ոտքի դարձերեսին եղած արյունը չի քսվել զենքի իրանին կամ բռնակին…

Կ. Կարապետյանի ստացած վնասվածքների, բնույթի, տեղակայման վայրի, Էրեբունի բժշկական կենտրոն դիմելու պահին նյարդաբանական վիճակի մասին փորձաքնության եզրակացությունը կողմերն ընդունեցին առանց առարկությունների: Առավոտյան տեղի ունեցած դեպքից հետո պատգամավորը նախ դիմել էր Մասիսի հիվանդանոց, իսկ 15.30-ին՝ ՛՛Էրեբունի՛՛ ԲԿ: Բողոքել էր գլխացավից, սրտխառնոցից, շշմածությունից, ունեցել էր փակ գանգուղեղային վնասվածք: Վնասվածքի ծանրության աստիճանի մասին եզրակացությունը տվել էին 21 օր անց. Նշել էին, որ տանը դեղորայքային բուժում է ընդունում, սրտխառնոց, գլխացավ ունի, ինչպես նաև՝ դյուրագրգռություն և տրամադրության անկումներ:

մանրամասները` սկզբնաղբյուրում: