«Անավարտ թռիչք» - ի գլխավոր հերուսուհի Տաթև Հովակիմյանը

Երիտասարդ դերասանուհի Տաթև Հովակիմյանը, ում մուտքը կինոաշխարհ կայացավ  «Անավարտ թռիչք» գեղարվեստական ֆիլմով, այժմ զբաղված է միայն թատերական գործունեությամբ: Սակայն դա չի նշանակում, թե նոր առաջարկներ ու քննարկումներ չկան: «Այս տարի ավարտում եմ և այժմ խաղում եմ 4 դիպլոմային աշխատանքներում: Նաև ունեմ ֆիլմային շատ հետաքրքիր առաջարկներ, որոնք գտնվում են դեռ առաջնային փուլում: Բայց նշեմ, որ այժմ հենց թատրոնն է ինձ հետ պահում հեռուստատեսությունից և էկրաններից»,-Life.Panorama.am-ի հետ զրույցում պարզաբանեց նա։

Հոդվածն ամբողջությամբ՝ սկզբնաղբյուր կայքում:

Մեր այն դիտարկմանը, որ, երիտասարդ դերասանները, մեծ մասամբ, նկատելի հաջողություն ունենալուց հետո հեռանում են թատրոնից, դերասանուհին արձագանքեց. «Ես չեմ կարծում, որ ունեմ նկատելի հաջողություն։ Դրա համար դեռ շատ աշխատանք է պետք, դերասանը մեկ ֆիլմով չի հաջողության հասնում։ Թատրոնում հաջողությունս ավելի շատ է, քանի որ ունեմ հրաշալի դերեր։ Ես հաջողությունս չեմ չափում նրանով,  որ այսօր ինձ ճանաչում են ՝սիրում կամ ատում։Ես հաջողությունս չափում եմ իմ արած գործի չափով և որակով։ Այ, երբ ֆիլում էլ այս դերս կհամեմատեն մյուս դերիս հետ, ինչպես թատրոնում, այդ ժամանակ կհամարեմ, որ մի քիչ հաջողություն ունեմ կինոաշխարհում էլ։ Ես երբեք չեմ լքի թատրոնը, դերասանը դերասան է թատրոնում։Կինոյում դերասան չեն դառնում։ Իհարկե կա վատ թատրոն, բայց ես, բարեբախտաբար, գտնվում եմ լավ թատրոնում, որտեղից միայն լավն եմ վերցնում։ Թատրոնն այն հեքիաթն է, որից հրաժարվելով՝ դերասանը կորցնում է իր իսկական տեսակը։ Մարդիկ ասում են՝ թատրոն չկա. վստահեցնում եմ ձեզ, գնացեք դիտեք հինգ ներկայացում և կգտնենք մեկը, որը կլինի ձերը։ Կսիրահարվեք թատրոնին և կապրեք այնտեղ։ Կինոն հրաշք է, բայց այն կտրտված կադրերի մեջ է հրաշք, թատրոնը ունի մեկ գիծ և դու այդ հրաշքը ապրում ես առանց դադարների»։

Երիտասարդ դերասանուհուց հետաքրքրվեցինք, թե արդյո՞ք առաջիկայում իրեն չենք հանդիպի այնքան տարածված հեռուստասերիալներում.  «Վստահեցնում եմ, որ հանդիսատեսը ինձ չի տեսնի որևէ հեռուստասերիալում, եթե, իհարկե, դա տասը կամ տասնհինգ մասանոց սերիալ չէ, որտեղ ես գիտեմ ինչ կերպար եմ խաղում, ով եմ, որտեղից եմ եկել և ուր եմ գնում։ Ես պարզապես իմ ապագա անելիքները այլ ճանապարհի վրա եմ տեսնում։ Եվ այդպես եմ մտածել թատերական ինստիտուտ գնալուս առաջին իսկ պահից»։

Հեղինակ Նելլի Մարգարյան

Աղբյուրը ` այստեղ